Пасля ракетнага ўдару РФ пад зямлёй засталося 854 украінскія шахцёры

Іх паднімаюць на паверхню.

Пасля масаванага ракетнага ўдару па Украіне былі абясточаныя чатыры шахты. Пад зямлёй засталося 854 чалавекі.

Пра гэта заявіў міністр унутраных спраў Украіны Дзяніс Манастырскі, паведамляе РБК-Украіна са спасылкай на яго выступ у эфіры нацыянальнага тэлемарафону.

«У Днепрапятроўскай вобласці было абясточана 4 шахты. Там знаходзіліся 854 гарнякі. Цяпер там застаецца 118 чалавек. Працягваецца планавы ўздым іх на паверхню. З імі ўсё будзе добра», - заявіў Манастырскі.