Названая першая кандыдатка на пасаду прэм'ер-міністра Брытаніі
9- 21.10.2022, 19:15
- 9,940
Яна ўдзельнічала ў выбарчай гонцы і пасля адстаўкі Борыса Джонсана.
Лідарка брытанскай Палаты супольнасцяў Пені Мордант стала першай кандыдаткай, якая афіцыйна абвясціла пра вылучэнне на пасаду прэм'ер-міністаркі і кіраўніцы Кансерватыўнай партыі.
Пра гэта яна паведаміла ў Twitter.
«Мяне натхніла падтрымка калег, якія хочуць пачаць новае жыццё, стварыць адзіную партыю і кіраўніцтва ў нацыянальных інтарэсах. Я балатуюся, каб стаць лідаркай Кансерватыўнай партыі і прэм'ер-міністаркай, каб аб'яднаць нашу краіну, выканаць нашыя абяцанні і перамагчы ў наступных выбарах», – адзначыла Мордант.
Адзначым, яна ўдзельнічала ў выбарчай гонцы і пасля адстаўкі Борыса Джонсана, аднак выбыла да фінальнага галасавання.