Беларуска заправіла чужы аўтамабіль за два кіламетры ад сябе: як?
12- 27.10.2022, 21:45
- 23,776
Аўтааматарка патрапіла ў нетыповую сітуацыю.
Чытачка рэсурсу AutoGrodno патрапіла ў нетыповую сітуацыю: яна прыехала на паліўную станцыю каля Пагаранаў, аплаціла паліва, але заправіцца за чужы кошт наважыў аўтамабіль на Індурскай шашы. Цяпер чытачка шукае дзяўчыну, у бак самахода якой патрапіла паліва.
Чытачка карыстаецца сістэмай «Аплаці» - на пад'ездзе да станцыі на смартфоне трэба зайсці ў гэтую праграму, паказаць станцыю, калонку і тып паліва. Грошы спісваюцца ў онлайн-рэжыме — пасля гэтага падаецца паліва. Паводле ейных слоў, той раз пасля аплаты паліва не пайшло, дзяўчына звярнулася да аператараў.
«Выяўляецца, роўна ў той момант, калі я актывавала аплату, на Індурскай шашы таксама на 4-й калонцы спрабавала заправіць АІ-92 у свой чорны BMW іншая дзяўчына. Адбылася нейкая хіба ў праграме, і мая аплата пайшла ёй», - сцвярджае чытачка.
Аператары станцыі на Індурскай шашы крыху пазней пацвердзілі, што такая незвычайная сітуацыя сапраўды адбылася. «Прыехала дзяўчына, уставіла пісталет ад бензакалонкі ў свой BMW і пайшла да касы. Калі яна прыйшла аплачваць паліва, аператар ёй паведаміў, што ейны легкавік ужо запраўлены, і паліва аплачанае», - гаворыцца ў матэрыяле. Тая "была здзіўленая і спрабавала даведацца, як ёй вярнуць грошы" і што здарылася. Але на той момант аператары яшчэ самі не ведалі прычыну.