Кадыраў паабяцаў адправіць на вайну сваіх траіх малалетніх сыноў
- 4.10.2022, 10:16
- 6,224
Малодшаму з іх 14 гадоў.
Кіраўнік Чачэніі Рамзан Кадыраў 3 кастрычніка ў Telegram заявіў, што ягоныя непаўналетнія сыны праходзяць вайсковую падрыхтоўку і нароўні з дарослымі гатовыя ваяваць падчас «спецаперацыі» на тэрыторыі Украіны, паведамляе gordonua.com.
«Непаўналетні ўзрост не павінен перашкаджаць навучанню абаронцаў нашай Радзімы. Унукам першага прэзідэнта ЧР Ахмата-Хаджы Кадырава Ахмату, Элі і Адаму 16, 15 і 14 гадоў адпаведна. Але іх вайсковая падрыхтоўка пачалася яшчэ даўно, ледзь не з малых гадоў», - заявіў кіраўнік Чачэніі.
«Хочаш міру - рыхтуйся да вайны! Свае навыкі Ахмат, Элі і Адам гатовы прымяніць у зоне СВА. І я не жартую. Прыйшоў час паказаць сябе ў рэальным баі, і гэтае іх імкненне я толькі вітаю. Неўзабаве яны адправяцца на перадавую і будуць знаходзіцца на самых складаных адцінках лініі судакранання», - сцвярджае ён.