У Расеі дзірка на новым адцінку фронту: тэрарыст Гіркін б'е трывогу
8- 4.10.2022, 10:51
- 19,134
Пад Сватава расейскія салдаты адыходзяць без бою.
УСУ працягваюць замацоўвацца на поўначы Луганскай вобласці, падбіраючыся да Сватава і абыходзячы яго з поўначы і, магчыма, поўдня. Аб новай крытычнай мясціне расейскай абароны заявіў адзін з былых верхаводаў так званай «ДНР», афіцэр ФСБ у адстаўцы Ігар Стралкоў-Гіркін.
На сваёй старонцы ў сацыяльнай сетцы «Вконтакте» ён піша, што УСУ працягваюць «змотваць» расейскі фронт уздоўж Аскольскага вадасховішча ў бок Сватава, у кірунку якога падраздзяленні ўкраінскага войска ўзялі пад кантроль населеныя пункты Баравая і Шыйкаўка. Больш за тое, пад націскам УСУ расейскія салдаты адыходзяць без бою.
«Нашы войскі адыходзяць без бою, што выклікана немагчымасцю наяўнымі сіламі паспяхова абараняць гэты шырокі лясісты раён», - заявіў Гіркін.
Ён нагадаў, што яшчэ 2 месяцы таму папярэджваў аб катастрафічных наступствах дзеянняў расейскага вайсковага камандавання, што зараз пачало спраўджвацца на фронце для РФ.
Паводле ягоных слоў, расейцам застаецца толькі маліцца, каб мабілізаваныя ў РФ паспелі патрапіць ва Украіну да таго моманту, калі УСУ ў рамках маштабнага наступу змогуць у поўнай меры рэалізаваць сваю значную перавагу над УС РФ.
Нагадаем, экспэрты мяркуюць, што войска РФ пасля паразы ў Лімане працягвае знаходзіцца ў крызісе і яму будзе складана ўтрымаць Сватава ў Луганскай вобласці.