Зяленскі афіцыйна паставіў кропку ў перамовах з Пуціным

Прэзідэнт Украіны ўвёў у дзеянне пастанову РНБА.

Прэзідэнт Украіны Уладзімір Зяленскі зацвердзіў пастанову РНБА аб "немагчымасці правядзення перамоў" з прэзідэнтам РФ Пуціным. Гэта стала адказам на спробу Расеі анэксаваць тэрыторыі Украіны.

Пра гэта паведамляе РБК-Украіна са спасылкай на адпаведны ўказ, апублікаваны на сайце украінскага прэзідэнта.

«Канстатаваць немагчымасць правядзення перамоў з прэзідэнтам Расейскай Федэрацыі Уладзімірам Пуціным», - гаворыцца ва ўказе.

Пры гэтым ва ўказе рэкамендуецца Вярхоўнай Радзе прыняцце «адпаведных законапраектаў што да належнага санкцыйнага і іншага рэагавання на эскалацыю з боку Расейскай Федэрацыі", а Кабінеце міністраў "ва ўмовах эскалацыі з боку Расейскай Федэрацыі" забяспечыць узмацненне абараназдольнасці Украіны "шляхам павелічэння паставак ваенна-тэхнічнай дапамогі Украіне" .

Размова ідзе аб пастанове РНБА ад 30 верасня.

Нагадаем, у пятніцу, 30 верасня, РНБА прыняла пастанову аб увядзенні санкцый супраць 3 600 асоб, якія маюць дачыненне да развязвання агрэсіўнай вайны супраць Украіны або падтрымліваюць рэжым прэзідэнта РФ Уладзіміра Пуціна.