Войска РФ чакае яшчэ адзін «кацёл»: дыверсант Гіркін зладзіў істэрыку

Расейскі фронт пасыпаўся адразу на двух кірунках.

Былы верхавод тэрарыстаў «ДНР» Ігар Гіркін (Стралкоў) прызнаў перавагу УСУ на Херсонскім і Луганскім франтах.

Паводле ягоных слоў, абаронцы Украіны валодаюць перавагай ва ўсім, выкарыстоўваюць нават авіяцыю.

«На Херсонскім фронце ўчора ўвесь дзень працягваліся разлютаваныя баі. Асноўныя намаганні супраціўнік накіроўваў на Берыслаўскі кірунак - наступаючы ў раёне Дудчан (большая частка ўзятая супраціўнікам, нашы войскі адышлі, узарваўшы дамбу вадасховішча) і Давыдаў Брода, дзе сітуацыя для нашых часцей таксама пастаянна пагаршаецца. Супраціўнік валодае перавагай ва ўсім, выкарыстоўвае нават авіяцыю», - канстатаваў тэрарыст.

Таксама Гіркін мяркуе, што пасля Лімана акупантаў чакае яшчэ адзін кацёл.

«На Сватаўскім кірунку Луганскага фронту (ад Северскага донца да былой мяжы з РФ) – нашыя войскі працягвалі адыходзіць. Становішча цалкам незразумелае, але ёсць неправераныя звесткі, што супраціўнік ужо здолеў перарэзаць трасу Рубежнае-Сватава і сваімі перадавымі групамі пагражае выхадам у тыл гарнізону Сватава і ахопам Крэменьнай-Рубежнага», - распавёў Гіркін.