Расейскія «мобікі» ў Мелітопалі шукаюць алкаголь і цывільнае адзенне, каб уцячы

Папаўненне прыбыло менш за дзень таму, але ўжо паспела «раскласціся».

13 лістапада Генштаб УСУ распавёў, чым займаюцца «часткова мабілізаваныя» з РФ, якіх накіравалі ваяваць на Запарожскі кірунак у Мелітопаль.

Інфармацыя апублікаваная на афіцыйнай старонцы Facebook украінскага камандавання.

Мабілізаваныя расейцы размясціліся ў Мелітопалі, паведамляе Генштаб УСУ. Тут яны не займаюцца страявой падрыхтоўкай ці стрэльбамі. Іх асноўная задача - развязанне бытавых праблем і «адпачынак».

Акупанты прыбылі ў горад напярэдадні - 12 лістапада. Цягам дня яны скупляюць:

ежу;

цывільнае адзенне, каб уцячы з фронту;

вялікую колькасць алкаголю (скупляюць і, відаць, ужываюць).

Адзначым, Мелітопаль - горад на акупаванай частцы Запарожскай вобласці. Калі паглядзець на мапу, то бачна, што ў гэты населены пункт папаўненне жывой сілы і тэхнікі можа патрапіць трыма шляхамі:

праз Крым - чыгункай і аўтатранспартам;

праз Марыупаль - аўтадарогай;

праз Валнаваху - чыгункай (менавіта тут ідуць цяжкія баі каля Вугледара і Паўлаўкі, адзначыў Генштаб УСУ).

Па прыбыцці папаўненне можа раз'язджацца па двух кірунках:

на Запарожскі кірунак;

на Херсонскі кірунак.