Украінскія байцы паказалі відэа новага разгрому марскіх пяхотнікаў РФ пад Паўлаўкай

Акупанты са 155-й брыгады «адпачываюць» на полі пасля штурму.

Расейскія акупанты працягваюць спробы захапіць сяло Паўлаўку непадалёк ад Вугледара Данецкай вобласці. Аднак, акрамя значных страт, гэтыя спробы захопнікам нічога не прыносяць.

Украінскія воіны паказалі вынікі чарговага штурму на відэа, якое з'явілася на старонцы Управы стратэгічных камунікацый Узброеных сіл Украіны. На ім бачныя «стомленыя» пасля наступлення акупанты, якія з гэтага часу будуць адпачываць вечна.

«Паўлаўка трымаецца...На відэа расейцы з 155-й брыгады адпачываюць пасля штурму», - падпісалі відэа ў «Страткаме».

На кадрах бачна блізу дзясятка цел расейскіх захопнікаў, якія ляжаць на зямлі. Каля іх - расейскі грузавік і двое часова жывых расейцаў, якія збіраюць целы ліквідаваных.