З'явілася відэа, як камандаванне РФ асабіста крадзе янотаў з заапарка ў Херсоне

Хапалі ўсіх – ад асла да вавёрак.

Расейскія акупанты вывезлі з Херсона ўсё, што маглі вывезці. Прыхапілі нават дзіцячы паравозік і янотаў з заапарка.

Відэа, як высокія чыны УС РФ у Херсоне крадуць янотаў з заапарка, выклалі ў сеціва, паведамляе ТСН.

На кадрах відаць, як расейскі воін вылоўлівае па адным яноце ў вальеры. Ён хапае жывёлаў за хвост і шпурляе ў скрынку.

«Варта ўдакладніць, што янота з заапарка Херсона скраў не проста які-небудзь дурны салдат, а менавіта расейскае камандаванне. У Крым яны вывезлі большую частку калекцыі заапарка: ад ламы і ваўка да асла і вавёрак», – пракаментаваў Аляксандр Тадарчук, заснавальнік руху UAnimals.