Няўзораў: Расеі трэба прывыкаць да кавадлы

Гэта ўсё звёны аднаго ланцуга.

У Расеі, відавочна, з'явілася свая «ІД» – прыватная ваенная кампанія «Вагнер». Расейцам варта рыхтавацца да таго, што пазасудовыя пакаранні стануць для краіны звыклай з'явай.

З такім меркаваннем у сваім блогу ў Telegram выступіў вядомы журналіст, публіцыст Аляксандр Няўзораў.

Ён выказаўся пра нашумелае відэа, у якім «Вагнер» карае смерцю з дапамогай кавадлы свайго ж найміта. Завербаванаму зэку таварышы ў ПВК на камеру раздрабілі галаву за тое, што той здаўся ў палон УСУ.

«Жахацца і лямантаваць позна», – адзначыў Няўзораў.

Ён нагадаў, што для пуцінскага рэжыму пазасудовыя расправы – звычайная з'ява. Адзін з самых гучных апошніх выпадкаў – гэта спроба атручвання «Навічком» апазіцыянера Аляксея Навальнага, пры якой атрута была нанесеныя на ніжнюю бялізну ахвяры.

«А ў чым важнае адрозненне паміж “сінімі трусамі” і кавадлам у склепе? Ды няма яго», – заявіў журналіст.

Паказальным, паводле ягоных словаў, выглядае поўнае ігнараванне відэа з кавадлам усёй праваахоўнай сістэмай Расеі. Ужо відавочна, што вінаватыя пакарання не панясуць. Беззаконне і анархія становяцца асновай сучаснай РФ.

«Расеі трэба прывыкаць да кавадла. Там, дзе прэзідэнт – Пуцін, такое было, ёсць і будзе нормай не толькі ў ПВК. Пуцін, беззаконне зэкаў, вайна, кавадлы, Буча, мабілізацыі, безладзь, “Навічок” і таемныя пакаранні – звёны аднаго ланцуга», – канстатаваў Няўзораў.

Няўзораў: Расеі трэба прывыкаць да кавадлы