Самалёт NATO адсачыў ракету, якая трапіла на тэрыторыю Польшчы

Інфармацыя прадстаўленая польскім уладам.

У паветранай прасторы Польшчы 15 лістапада знаходзіўся самалёт NATO. Ён адсачыў ракету, якая ўпала на тэрыторыі краіны.

Пра гэта паведамляе CNN. Выданне цытуе вайсковага прадстаўніка Альянсу.

«Інфармацыя радыёлакацыйных слядоў [ракеты] была прадстаўленая NATO і Польшчы», - адзначыў чыноўнік.

Аднак суразмоўца CNN не сказаў, ні хто запусціў ракету, адсочаную ў Польшчы, ні адкуль яна была выпушчана.

Дарэчы, самалёты Альянсу вядуць рэгулярнае назіранне за тэрыторыяй Украіны з пачатку расейскага ўварвання.

У аўторак, 15 лістапада, у вёсцы Пшаводаў (Люблінскае ваяводства), размешчанай на ўсходзе Польшчы на мяжы з Украінай, упала ракета расейскай вытворчасці. Загінулі два чалавекі.