Танкавы кулак: украінскае войска перайшло ў наступ па ўсёй лініі фронту пад Папаснай

Акупантаў таксама разбілі ў раёне Маёрска.

Украінскія вайскоўцы працягваюць контрнаступальныя дзеянні на ўсходзе краіны і пераходзяць у наступ на ўсім рубяжы ад Папаснай Луганскай вобласці да Харкаўскай вобласці, а на Данбасе цяжкія баі і варожыя штурмы не спыняюцца.

Пра гэта паведамляе Інстытут вывучэння вайны (ISW).

Контрнаступ УСУ на ўсходзе Украіны

Сілы Абароны Украіны працягвалі контрнаступальныя аперацыі ў кірунку Сватава і Крамянной. Весці штурм за 20 км на паўночны захад ад Сватава ў раёне Берастава і Калеснікаўкі ў Харкаўскай вобласці і Навасёлаўскім Луганскай вобласці ім, паводле сцвярджэння Мінабароны РФ, нібыта перашкодзілі расейскія авіяўдары.

З паведамленняў расейскіх «ваенных карэспандэнтаў», украінскія сілы вялі наступальныя аперацыі за 14 км на паўночны захад ад Сватава ў раёне Кузёмаўкі, і спрабавалі адрэзаць адцінак дарогі і чыгункі ў гэтым раёне. Акрамя таго, УСУ праводзяць выведку боем уздоўж лініі Пясчанае - Стэльмахоўка на паўночны захад ад Сватава.

Мінабароны РФ таксама заявіла, што іх падраздзяленні артылерыі адбівалі атакі ўкраінскіх войскаў на пазіцыі акупантаў паблізу Каламыйчыхі Луганскай вобласці (10 км на захад ад Сватава).

Таксама ёсць звесткі, што байцы УСУ спрабуюць перацяць адцінак трасы Сватава-Крамянная, і дзейнічаюць за 6 км на паўночны захад ад Крамянной у раёне Чэрвонапапоўкі. Баі працягваюцца за 12 км на поўдзень ад Крамянной у Белагораўцы.

Крыніца аналітыкаў у БАРС-13 (Баявы рэзерв Расеі) са спасылкай на «ЛНРаўцаў» заявіў, што ўкраінскія сілы перайшлі ў наступ на ўсім рубяжы ад Папаснай Луганскай вобласці да Харкаўскай вобласці і назапашваюць танкавыя групы ля лініі фронту.

Таксама паведамляецца, што ўкраінскія сілы назапашваюцца ўздоўж лініі Арлянка-Зацішне-Сватава на паўночны захад ад Сватава ў рамках падрыхтоўкі да будучага буйнога наступу, хоць у ISW заяўляюць, што «не даюць ніякай ацэнкі заяў што да будучых украінскіх аперацый».

16 лістапада УСУ працягвалі наносіць удары па зборах расейскіх войскаў і матэрыяльна-тэхнічнаму забеспячэнню ў Луганскай вобласці. Па аб'ектах у Мірным, Перавальску і Зімагор'і, а таксама ў Белакуркіна на поўнач ад Старабельска.

Генштаб УСУ праінфармаваў, што раней, 15 лістапада, у выніку ўдару па зборах войскаў захопнікаў у раёне Дзеняжнікава (паміж Старабельскім і Луганскам) было забіта і паранена не менш як 50 расейскіх вайскоўцаў.

Сітуацыя на Данбасе

Войскі расейскіх захопнікаў 16 лістапада працягвалі наземныя атакі ў раёне Бахмута і Аўдзееўкі. УСУ адбілі штурмы на паўночны ўсход ад Бахмута ў раёне Белагароўкі і Вясёлага і паўднёвей Бахмута ў раёне Курдзюмаўкі.

Найміты групы Вагнера атакавалі ўмацаваныя раёны ўкраінскіх пазіцый на паўднёва-ўсходняй ускраіне Бахмута, таксама акупанты наносілі авіяўдары па пазіцыях УСУ на паўночны ўсход ад Бахмута ў раёне Салядара і на паўночны ўсход ад Салядара ў раёне Спорнага.

Са звестак украінскага Генштаба, палова асабовага складу 1-га горлаўскага батальёна «ДНРаўцаў» была забітая ці параненая пасля бою за Маёрск (на поўдзень ад Бахмута) і мела нізкі баявы дух, што заахвоціла кіраўніцтва акупантаў расфармаваць гэта падраздзяленне.

Расейскія крыніцы сцвярджалі, што войскі РФ узялі пад свой кантроль Маёрск 13 лістапада, а заява Генеральнага штаба УСУ сцвярджае, што «кошт гэтага быў высокі», што адпавядае ацэнцы ISW аб тым, што расейскія сілы прадоўжаць дарагія аперацыі супраць невялікіх і нязначных у аператыўным плане да населеных пунктаў.

Украінскі Генштаб таксама паведаміў, што УСУ адбівалі атакі расейцаў у Аўдзееўцы, на поўнач ад Аўдзееўкі ў Новакалінаве, на захад ад Аўдзееўкі ля Першамайскага і паўднёвей Аўдзееўкі ля Вадзянога.

Як расказалі расейскія крыніцы, акупанты дабіліся нязначных поспехаў у кірунку Невельскага, Вадзянога і Першамайскага. У Мінабароны РФ запэўнілі, што расейскія войскі адбілі контратакі ўкраінскіх войскаў у раёне Курдзюмаўкі, у раёне Аўдзееўкі, на захад ад Аўдзееўкі ў раёне Грыгароўкі і на захадзе Данецкай вобласці ў раёне Стараміхайлаўкі.

16 лістапада расейскія войскі правялі абмежаваныя наземныя аперацыі ў заходняй частцы Данецкай вобласці. Украінскія сілы адбілі наземны напад інтэрвентаў у раёне Врэмеўкі і Новаміхайлаўкі ў заходняй частцы Данецкай вобласці.

Прасоўванне УСУ ў Херсонскай вобласці – «паўднёвая вось»

«Контрнаступленне Украіны ў правабярэжнай Херсонскай вобласці дасягнула заяўленых мэт, таму ISW не будзе прадстаўляць адцінак контрнаступкна поўдні Украіны да таго часу, пакуль ўкраінскія сілы не адновяць контрнаступна поўдні Украіны», - адзначаюць аналітыкі.

Расейскія войскі 16 лістапада працягвалі ўмацоўваць і перагрупоўваць пазіцыі на левым беразе Дняпра.

Украінскія і расейскія крыніцы паведамілі, што расейскія войскі абстралялі Дудчаны, Качкароўку і Прыдняпроўскі Херсонскай вобласці і Іллінку Днепрапятроўскай вобласці - усё на правым беразе Дняпра.

УСУ працягвалі наносіць удары па расейскіх сілах і вузлах тылавога забеспячэння ў тылавых раёнах Запарожскай і Херсонскай абласцей. 16 лістапада Генштаб Украіны паведаміў, што напярэдадні вайскоўцы УСУ нанеслі ўдары па расейскіх пазіцыях у раёне Скадоўска (на скрыжаванні трасы Р57 і Т2213), Новамікалаеўкі (на трасе Р57) і Новай Маячкі (у раёне трасы Т2210).

Акрамя таго, у той дзень, 15 лістапада, украінскія сілы нанеслі больш за 50 артылерыйскіх удараў па расейскіх пазіцыях на левым беразе Дняпра, знішчыўшы два расейскія склады боепрыпасаў у Новай Кахоўцы і Алешках, параніўшы 17 чалавек і пашкодзіўшы 15 адзінак бранятэхнікі.

Расейская крыніца сцвярджала, што жыхары паведамлялі аб выбухах у Каланчаку і Чаплінцы (на трасе Т2202). Са звестак Генштаба УСУ, украінскія ўдары прывялі ў непрыдатнасць чыгуначны мост у Чарнігаўцы Запарожскай вобласці. Таксама ўкраінскія сілы нанеслі ўдар па расейскім ваенным складзе ў Токмаку, а на апублікаваным 16 лістапада здымку відаць, што ноччу ў Токмаку, як мяркуецца, адбыўся пажар.

16 лістапада расейскія акупанты працягвалі весці агонь на захад ад Гуляйполя, а таксама ў Мікалаеўскай і Днепрапятроўскай абласцях. Войскі РФ нанеслі ўдар па Запарожжы трыма зенітна-ракетнымі комплексамі С-300. Таксама захопнікі абстралялі Нікаполь, Марганец і Чэрвонагрыгароўку ў Днепрапятроўскай вобласці.

«Расейскія крыніцы выказвалі пастаянную занепакоенасць магчымым контрнаступленнем ўкраінскіх войскаў у раёне Гуляйполе - Арэхаў. Афіцыйны прадстаўнік акупацыйнай службы Запарожскай вобласці Уладзімір Рогаў заявіў, што расейскія войскі адбілі спробу ўкраінцаў прарваць пазіцыі рускіх у напрамку Васільеўкі Запарожскай вобласці, але ISW не назірала прыкмет буйнога бою ў гэтым раёне і не можа пацвердзіць дакладнасць заявы Рогава», - адзначаецца ў аналізе.

На геолакацыйных здымках, апублікаваных 15-16 лістапада, бачна, што расейскія войскі будуюць другарадныя абарончыя рубяжы ўздоўж канала каля Армянска ў Крыме.

«Як раней паведамляў ISW, будаўніцтва абарончых умацаванняў на другарадных лініях абароны з'яўляецца стандартнай ваеннай працэдурай і не з'яўляецца паказчыкам таго, што расейскія сілы разлічваюць абараніць Крым ад украінскага наступу ў найбліжэйшай будучыні», - гаворыцца ў матэрыяле.