«Дудчаны ўсё, Качкароўку пакінулі»: войскі РФ зноў уцякаюць у Херсонскай вобласці

Акупант прагаварыўся аб новым адступленні.

Узброеныя сілы Украіны працягваюць паспяховы контрнаступ на Херсоншчыне. Расейскія акупацыйныя войскі адыходзяць і баяцца націску ўкраінскіх абаронцаў.

І хаця ў Крамлі ніяк не каментуюць адступленне акупантаў, самі яны гэта прызнаюць. Пра гэта сведчыць новы аўдыёперахоп, апублікаваны Галоўнай управай выведкі Міністэрства абароны Украіны.

Камандзір батальёна дэсантнікаў акупант Дзмітрый Савельеў у размове са сваёй палюбоўніцай, ураджэнкай Разанскай вобласці, расказаў аб уцёках захопнікаў з вёсак Дудчаны і Качкароўкі.

«Трохі манеўраў зрабілі, адкаціліся крыху назад. Дудчаны ўсё, Качкароўку пакінулі», - сказаў ён.

Са свайго боку жанчына расказала яму, што яе суседка не можа «дазваніцца нікому са сваіх у Качкароўку».

Савельеў адказаў ёй: «Усё! Украіна там».