УСУ выцясняюць акупантаў на кірунку Сватава-Крамянная

Кананада чуваць ва ўсіх буйных гарадах па лініі фронту.

У Луганскай вобласці ўкраінскія абаронцы патроху выцясняюць акупантаў на кірунку Сватава-Крамянная.

Пра гэта ў эфіры тэлемарафону паведаміў кіраўнік Луганскай АДА Сяргей Гайдай, якога цытуе ваенная адміністрацыя вобласці ў Telegram.

«Ва ўсіх буйных гарадах мясцовыя жыхары гавораць аб тым, што яны чуюць, як працягваюцца баі па лініі фронту», — адзначыў Гайдай.

Ён таксама расказаў, што акупанты не пакідаюць спроб зноў захапіць Белагароўку. Украінскія вайскоўцы спынілі іх чарговы наступ.

Акрамя таго, у разбураных Севераданецку, Лісічанску і Рубежным акупанты не пачалі ацяпляльны сезон, таму ў шматпавярховых жылых дамах людзі ацяпляюць дровамі.

«Акупанты кажуць, што нічога рамантаваць не будуць: «прыйдуць вашыя «укры» і няхай усё рамантуюць». Гэта значыць яны маральна гатовыя, што гэтыя населеныя пункты будуць дэакупаваны», - адзначыў Гайдай.