Ракета С-300 адхілілася ад курса: выведка ЗША атрымала новую інфармацыю аб выбуху ў Польшчы

Расследаванне інцыдэнту працягваецца.

ЗША атрымалі новую інфармацыю аб прычынах выбуху на ўсходзе Польшчы падчас масаванай атакі РФ на цывільную інфраструктуру Украіны, паведамляе The Washington Post са спасылкай на крыніцу ў амерыканскай выведцы, якая пажадала застацца ананімнай.

Паводле гэтых звестак, гаворка ідзе аб адной, а, магчыма, дзвюх украінскіх ракетах ЗРК С-300 класа «зямля-паветра», якія адхіліліся ад курсу.

Як адзначаецца, такія ўзбраенні савецкай вытворчасці больш старыя і менш надзейныя, чым найноўшыя сістэмы супрацьпаветранай абароны, якія пастаўляюцца Украіне краінамі Захаду, якія ўжо прадэманстравалі сваю высокую эфектыўнасць, перахапіўшы дзясяткі расейскіх цэляў.

У той самы час расследаванне інцыдэнту ў Польшчы працягваецца.