Генштаб УСУ: Пасля выхаду з Херсона расейцы могуць ажыццявіць наступ з Беларусі

Удар можа быць нанесены па дзвюх абласцях.

Пасля выхаду з Херсона расейскія захопнікі, відавочна, перакінуць сілы на Данбас, але могуць таксама паспрабаваць ажыццявіць наступленне з Беларусі на Чарнігаўшчыну і Сумшчыну.

Пра гэта на брыфінгу лістапада сказаў намеснік начальніка Галоўнай аператыўнай управы Генеральнага штаба УСУ Аляксей Громаў.

З ягоных слоў, акупанты даўно імкнуцца завалодаць усёй Данецкай вобласцю.

«Вораг пасля адступлення з правабярэжнай часткі Херсонскай вобласці аднаўляе свае войскі і перакідвае баяздольныя падраздзяленні на іншыя кірункі. Для ворага «абсалютна» важна - гэта ўстанаўленне кантролю над Данецкай вобласцю, ён спрабуе і цяпер ажыццяўляць свае «мары», - распавёў Громаў.

Пры гэтым ён адзначыў, што застаецца імавернасць абвастрэння сітуацыі ў Луганскім і Запарожскім кірунках. Раней прэзідэнт РФ Уладзімір Пуцін заяўляў, што акупанты імкнуцца атрымаць кантроль над усёй Запарожскай вобласцю.

Таксама, падкрэсліў Громаў, не трэба выключаць варыянт наступлення расейскіх войскаў на Сумшчыну і Чарнігаўшчыну.

«Калі далей разглядаць амбіцыйныя планы ворага, ён можа таксама паспрабаваць правядзенне наступальных дзеянняў з Беларусі на тэрыторыі Чарнігаўскай і Сумскай абласцей. Але гэта ўсё ў іх у планах, і гэта ўсё ўжо было ў нашай гісторыі і мы годна давалі адпор. Цяпер вораг сапраўды скідае свае войскі на некаторыя кірункі, але мы таксама ўжываем захады», - падсумаваў Громаў.