Эрдаган распавёў аб дамоўленасці паміж РФ і ЗША

Са слоў кіраўніка Турцыі, яна датычыцца ядзернай зброі.

Расейская Федэрацыя і ЗША дамовіліся паміж сабой не ўжываць ядзерную зброю. Прэзідэнт Турцыі Раджэп Таіп Эрдаган заявіў, што яму пра гэта вядома. Пра гэта паведамляе Reuters.

Эрдаган распавёў пра гэта на зваротным шляху з саміту G20. Як паведаміў кіраўнік Турцыі, дамоўленасці былі прынятыя на гэтым тыдні ў Анкары.

Ён таксама дадаў, што для прадухілення новай вайны ў свеце Расея і Злучаныя Штаты павінны часцей сустракацца.