Зяленскі падпісаў закон пра абарону фінансавай сістэмы ад Беларусі

Закон датычыцца і РФ.

Прэзідэнт Украіны Уладзімір Зяленскі падпісаў закон пра абарону фінансавай сістэмы Украіны ад дзеянняў Расейскай Федэрацыі і Рэспублікі Беларусь як краінаў, якія ўчыняюць або спрыяюць узброенай агрэсіі супраць Украіны.

Пра гэта паведамляе Міністэрства фінансаў Украіны.

Закон №2736 пастанаўляе:

недапушчэнне да кіраўніцтва і кіравання суб'ектамі першаснага фінансавага маніторынгу асобаў, якія з'яўляюцца грамадзянамі Расеі і / або Беларусі;

пашырэнне пераліку высокарызыкоўных кліентаў – суб'ектаў першаснага фінансавага маніторынгу грамадзянамі і юрыдычнымі асобамі, якія з'яўляюцца рэзідэнтамі дзяржавы, што ажыццяўляе ўзброеную агрэсію супраць Украіны (акрамя грамадзянаў Расеі і/або Беларусі, якім наладзены статус удзельніка баявых дзеянняў пасля 14 красавіка 2014 года);

вызначэнне абавязку для суб'ектаў першаснага фінансавага маніторынгу даваць справаздачу ў Дзяржфінманіторынг аб «парогавых» аперацыях (400 тысячаў грыўняў і больш) з суб'ектамі, звязанымі з Расеяй і / або Беларуссю.

Акрамя таго, нормы гэтага закона змяшчаюць рэкамендацыі Еўракамісіі ў забеспячэнні адпаведнасці ўкраінскага дзейнага заканадаўства асобным стандартам Міжнароднай групы супрацьдзеяння адмыванню брудных грошай (FATF) і патрабаванням Дырэктывы ЕС 2018/843, якая рэгулюе пытанні прадухілення адмывання грошай або фінансавання тэрору. Сярод іншага, у законе прадугледжваецца:

удасканаленне рэгулявання і нагляду за спецыяльна выяўленымі суб'ектамі першаснага фінансавага маніторынгу (ліквідуецца абмежаванне ўжывання фінсанкцый да СПФМ);

аднясенне да суб'ектаў першаснага фінансавага маніторынгу гандляроў творамі мастацтва і пасярэднікаў у такім гандлі, і суб'ектаў гаспадарання, якія прапануюць пасярэдніцкія або кансультацыйныя паслугі ў арэндзе нерухомай маёмасці, але калі штомесячная сума арэнднай платы складае 400 тысячаў грыўняў і больш. Дзяржаўнае рэгуляванне і нагляд за гэтымі асобамі даручаны Мінфіну.

«Рэалізацыя нормаў Закона № 2736 будзе садзейнічаць выяўленню і спыненню фінансавых аперацый, звязаных з дзяржавамі, якія ажыццяўляюць узброеную агрэсію супраць Украіны, а таксама палепшыць адпаведнасць нацыянальнага заканадаўства міжнародным стандартам у сферы прадухілення і супрацьдзеяння адмыванню сродкаў і фінансаванню тэрарызму», – гаворыцца ў паведамленні.

Акрамя таго, нормы закона №2736:

вызваляюць ад адказнасці за невыкананне некаторых абавязкаў суб'ектаў першаснага фінансавага маніторынгу, якія знаходзяцца на тэрыторыі баявых дзеянняў, часова акупаваных тэрыторый Украіны і не маюць магчымасці выконваць абавязкі суб'ектаў першаснага фінансавага маніторынгу;

скарачаюць тэрмін статусу ПЭП (палітычна значныя асобы – Politically Exposed Persons) з пажыццёвага да трох гадоў пасля сыходу з пасады.