УСУ прасоўваюцца ў Луганскай вобласці

Тэндэнцыя станоўчая.

Узброеныя сілы Украіны паступова прасоўваюцца наперад у Луганскай вобласці, аднак кожны метр даецца даволі цяжка.

Пра гэта паведамляе РБК-Украіна са спасылкай на інтэрв'ю кіраўніка Луганскай абласной ваеннай адміністрацыі Сяргея Гайдая ў «Навіны.Live».

«На кірунку Сватава – Крамянная тэндэнцыя пакуль станоўчая, нашы войскі рухаюцца наперад», – сказаў ён.

У той самы час Гайдай дадаў, што кожны метр Луганшчыны даецца УСУ даволі цяжка. На ягоную думку, адной з прычынаў з'яўляецца адсутнасць чынніку нечаканасці, як было, напрыклад, пры вызваленні Харкаўскай вобласці.

«Пасля дэакупацыі Харкаўскай вобласці расейскія войскі ўсё ж паспелі велізарную тэрыторыю замяняць, падвезці рэзервы. Яны таксама прывезлі атрады кадыраўцаў і тых вязняў, якія набіраў Прыгожын, паспелі ўзарваць масты, пабудаваць пэўныя абаронныя збудаванні. Таму кожны метр Луганскай вобласці, кожны населены пункт даецца даволі цяжка», – дадаў кіраўнік АВА.