У шпіталі Віцебска дарагі рэнтгенаўскі апарат год не абслугоўваў пацыентаў з дзіўнай прычыны
4- 18.11.2022, 19:09
- 12,890
Якасць медабслугоўвання ў рэгіёнах шакуе.
Камітэт Дзяржкантролю расказаў пра вынікі праверкі медыцынскіх установаў Віцебска. Супрацоўнікі ўстановы выявілі факты прастою дарагога медабсталявання. Напрыклад, больш за год у віцебскай лякарні не выкарыстоўваўся рэнтгенаўскі апарат. Прычына – задоўжаны рамонт памяшкання, дзе яго трэба было ўсталяваць.
У іншай установе аховы здароўя вызначаныя факты бескантрольнага спісання лекавых сродкаў – без пацверджання іх выдачы пацыентам уліковымі дакументамі.
Акрамя таго прэтэнзіі ў КДК выклікала арганізацыя харчавання пацыентаў – вызначаныя значныя лішкі, пратэрмінаваныя прадукты.
Таксама ў шэрагу медустановаў не забяспечвалася аднаўленне выдаткаў бюджэту, зробленых пры платных медыцынскіх паслугах.