Брамнік каманды Польшчы пасля пераможнага матчу на ЧС-2022 закончыў інтэрв'ю лозунгам «Слава Украіне»

Войцэх Шчонсны падтрымаў украінцаў у вайне з расейскімі акупантамі.

Галкіпер каманды Польшчы Войцэх Шчонсны выказаў падтрымку Украіне пасля матча другога тура чэмпіянату свету-2022 у футболе супраць Савудаўскай Арабіі, які палякі перамаглі з лікам 2:0, паведамляе ТСН.

Пасля паядынку 32-гадовы брамнік турынскага «Ювентуса» паразмаўляў з прадстаўнікамі СМІ, сярод якіх быў і ўкраінскі журналіст.

Сваё інтэрв'ю Шчонсны закончыў лозунгам «Слава Украіне!», тым самым прадэманстраваўшы салідарнасць з украінскім народам, які працягвае барацьбу з расейскімі захопнікамі.

Адзначым, што пасля пачатку поўнамаштабнага ўварвання РФ ва Украіну польскі брамнік актыўна дапамагае ўкраінскім уцекачам.

Брамнік Польшчы і Ювентуса Войцэх Шчэнсні пасля перамогі над Савудаўскай Арабяй закончыў інтэрв'ю Суспільнаму «Слава Україні!»

Жонка Войцеха - спявачка і актрыса Марына Лучанка - родам з Вінніцы. У двухгадовым узросце яна разам з бацькамі пераехала ў Польшчу. Пара пачала сустракацца ў 2013 годзе, а ў траўні 2016-га адбылося вяселле. Войцэх і Марына выхоўваюць сына Ліяма, якому зараз чатыры гады.

Пасля двух тураў ЧС-2022 Польшча з 4 баламі лідзіруе ў квартэце С. Далей размясціліся Аргенціна (3) і Савудаўская Арабія (3). Замыкае табліцу каманда Мексікі (1).

У матчах заключнага тура 30 лістапада Польшча згуляе з Аргенцінай, а Савудаўская Арабія будзе змагацца з Мексікай. У плэй-оф з групы выйдуць дзве найлепшыя каманды.