Данілаў: Самая эфектыўная развязка энэргетычнай праблемы для Украіны - ракеты далёкасцю 800 км
34- 28.11.2022, 20:14
- 29,124
Наяўнасць такіх ракет дазволіць УСУ наносіць удары ў тым ліку па Маскве.
Сакратар Рады нацыянальнай бяспекі Украіны Аляксей Данілаў 28 лістапада ў Twitter расказаў, як Украіна можа ашчаджаць на генератарах і эфектыўна развязаць праблему блэк-аўтаў.
"Найлепшая і найбольш эфектыўная развязка энэргетычнай праблемы для Украіны - ракеты далёкасцю 800 і больш кіламэтраў, што дазволіць значна ашчаджаць на генератарах", - напісаў Данілаў.
Найкраще і найбільш ефективне вирішення енергетичної проблеми для України – ракети дальністю 800 і більше км, що дозволить значно зекономити на генераторах.
— Oleksiy Danilov (@OleksiyDanilov) November 28, 2022
Пасля шэрагу масаваных нападаў РФ на энэргетычныя аб'екты ва Украіне Данілаў назваў расейскае войска, якое «гераічна» змагаецца з украінскімі ГЭС і ЦЭС, «другім трансфарматарным».
На гэты момант самыя далёкія сродкі для страляння па наземных цэлях, якія Украіна афіцыйна атрымлівае ў якасці вайсковай дапамогі ад партнёраў - сістэмы HіMARS з баявымі прыпасамі з далёкасцю 70-80 км.
Наяўнасць ракет далёкасцю 800 км тэарэтычна дазволіць УСУ наносіць удары ў тым ліку па Маскве. Так, адлегласць паветрам ад Чарнігава да Масквы - 630 км, ад Кіева да Масквы - 755 км.
