Прадстаўнікі Палка Каліноўскага сустрэліся з мэрамі местаў Валыні

Ваякі абмеркавалі з мэрамі адбіццё агрэсіі з Беларусі.

Прадстаўнікі Палка Каліноўскага, які складаецца з беларускіх ахвотнікаў, правялі сустрэчы ў Валынскай вобласці.

Як паведамілі ў палку, візаві выступілі старшыня Валынскай абласной рады Грыгорый Непапад і мэры Луцка, Ковеля, Новавалынска і Уладзіміра-Валынскага Ігар Палішчук, Ігар Чайка, Барыс Карпус, Ігар Палонка.

«Сустрэчы праводзіліся з мэтай наладжвання супрацоўніцтва з органамі мясцовага самакіравання Валыні ды інфармавання аб барацьбе беларусаў за незалежнасць Украіны. Падчас выправы абмяркоўвалася важнае пытанне каардынацыі дзеянняў для абароны рэгіёна ў выпадку агрэсіі супраць Валыні з тэрыторыі Беларусі», - паведамілі ў прэсавай служба Палка.

Выправа была арганізаваная пры падтрымцы народнага дэпутата Украіны Ігара Гузя.