Украінскія СМІ: У Беларусі знаходзіцца ад 20 да 30 тысяч расейскіх вайскоўцаў
7- 1.12.2022, 12:06
- 4,944
Расея рыхтуе новы наступ?
Аўтарытэтнае ўкраінскае выданне «Люстэрка тыдня. Украіна» са спасылкай на свае крыніцы называе лічбу расейскіх вайскоўцаў, якія знаходзяцца ў Беларусі.
Адзін з высокапастаўленых суразмоўцаў выдання называе лічбу, якая супадае з афіцыйна заяўленай Мінабароны РФ - дзевяць тысяч вайскоўцаў.
Аднак дзве іншыя крыніцы паведамляюць, што салдатаў акупацыйнага войска значна больш. Першая крыніца кажа пра тры тысячы «вагнераўцаў» і 20 тысяч расейскіх вайскоўцаў.
Другі называе лічбу 30 тысяч. Большасць з іх, як піша выданне, размешчаны ў асноўным уздоўж расейска-беларускай мяжы. Аднак няма ніякай праблемы ў тым, каб перадыслакаваць іх у раён украіна-беларускай мяжы.
Раней вайсковы экспэрт патлумачыў, калі пачнецца наступленне з Беларусі на Кіеў.