Палітвязня Віктара Бабарыку перавялі на новую працу

Цяпер ён выпальвае драўняны вугаль.

Экс-кандыдат у прэзідэнты Беларусі, палітвязень Віктар Бабарыка пераведзены на новую працу ў калоніі, дзе адбывае зняволенне. Цяпер, як паведамляе Telegram-канал палітвязня, ён выпальвае драўняны вугаль.

«Поўны працоўны дзень (9 гадзін) 6 дзён на тыдзень ён знаходзіцца на дварэ. Без доступу да бытавога памяшкання, дзе была б магчымасць сагрэцца падчас змены», - гаворыцца ў паведамленні.

Раней Бабарыка працаваў укладчыкам хлебабулачных вырабаў. Першая праца палітвязня ў калоніі - апальшчык.