Баі за Бахмуцкую цытадэль: расейская тэхніка храсне ў балотах

Апублікаваныя новыя мапы баявых дзеянняў.

Надвор'е ўнесла карэктывы ў ваенныя дзеянні. Тэхніка ўвязае ў балоце, аднак гэта не перашкаджае ворагу бяздумна кідаць «чмобікаў» у лабавыя атакі на ўмацаваныя раёны УСУ ў Данецкай вобласці, паведамляе «Эспрэса».

Данеччына

Ствараючы гэтакі «зомбі-вал», расейцы ў некаторых месцах дасягаюць поспехаў, аднак яны малаважныя ў суадносінах да страт, якія нясе вораг.

Па-ранейшаму найбольш горача на фронце каля Бахмута, які стаў сапраўднай непрыступнай цытадэллю. Яшчэ на мінулым тыдні захопнікі зайшлі ў Іванград, але дагэтуль так і не змаглі развіць свой поспех і захапіць Вопытнае.

На поўнач ад Бахмута акупанты робяць спробы ўбіць клін паміж Бахмутам і Саледарам, атакуючы па кальцавой у кірунку Падгароднага, зрэшты ніводнага прасоўвання на гэтым тыдні на гэтым адрэзку не было. У той жа час на поўдзень ад Бахмута вораг усё ж здолеў знайсці свідравіну ў нашай абароне і заняў Азаранаўку. Гэта стала магчымым пасля таго, як Сілы Абароны адышлі на новыя рубяжы ля КПП Маёрскае, што на поўнач ад Горлаўкі. Такім чынам, суседнія вёскі Курдзюмаўку і Клішчыеўку расейцы штурмуюць цяпер не толькі з усходу, але і з поўдня.

Нягледзячы на тое, што вораг працягвае атакаваць па ўсім перыметры Данецкага прыгарада, поспехаў ён нідзе не дасягнуў. Больш за ўсё расейцы сканцэнтраваныя на аблозе Аўдзееўкі і прабіванні калідору ў нашай абароне ў кірунку Курахава. Таму баі штодня ішлі ў Мар'інцы, Краснагораўцы, Невельскім, Першамайскім, Вадзяным і Вопытным.

Наступленне на Вугледар канчаткова захлынулася і перайшло ў фазу рэгулярных абстрэлаў.

Між тым дакладным стрэлам недзе з-пад Бахмута УСУ знішчылі штаб захопнікаў паблізу Кадзіеўкі за 50 км ад фронту.

Луганшчына

Баі ў Луганскай вобласці працягваліся без прасоўвання ніводнага з бакоў. УСУ працягвалі наступаць у кірунку Краснарэчанскага, а таксама праз Навасёлаўскі ў кірунку на Ніжнюю Дуванку. Разам з тым акупанты спрабавалі адціснуць Сілы Абароны ад Сватава і беспаспяхова контратакавалі ў кірунку Стэльмахоўкі.

З паведамлення Генштаба, ля Сватава нашы вайскоўцы знішчылі вайсковы аб'ект і «вывелі са строю» больш за 50 акупантаў. Яшчэ адно падраздзяленне ў Луганскай вобласці страціла да 70% асабовага складу.

Паўднёвы фронт

У гэтым кірунку працягваюцца артылерыйскія двубоі, у якіх УСУ працягваюць знішчаць ключавыя засяроджванні ворагаў уздоўж чыгуначных злучэнняў Валнаваха - Мелітопаль. Зноў ударылі па Чарнігаўцы і Мелітопалі, а таксама знішчылі базу акупантаў у Полагах. У Старабагданаўцы нашы вайскоўцы патрапілі ў ключавы чыгуначны мост. Асаблівасцю гэтага тыдня стаў шэраг удараў паблізу Энэргадара. У той жа час расейцы пачалі дэманстраваць прыкметы «жэсту добрай волі» з Запарожскай АЭС.

Кожны дзень вызвалены Херсон цяжка абстрэльваюць з другога боку Дняпра, таму зрушэнне ворага далей на ўсход з'яўляецца прыярытэтнай задачай. На левабярэжжы Сілы Абароны працягваюць ствараць 10-20-кіламетровую буферную зону, знішчаючы ўсе астатнія сілы ворага ў межах дасяжнасці артылерыі. На гэтым тыдні УСУ дэмілітарызавалі вайсковыя базы і склады ў Новай Кахоўцы, Голай Прыстані, Новай Збур'еўцы і Радэнску а таксама знішчылі два варожыя цэнтры кіравання ў Скадоўску і Бабіным. HIMARS ужо чацвёрты раз ударылі па вайсковай базе ў Чаплінцы. Вораг працягвае перамяшчаць адміністрацыю і калабарантаў з Новай Кахоўкі ў Генічаск, дзе яны сфармавалі новы шлях пастаўкі праз Арбацкую стрэлку. У той жа час, расейцы ўсё яшчэ працягваюць хавацца ў дняпроўскіх плаўнях і на выспах, стрымліваючы ўкраінскі дэсант.

Мапы створаныя на аснове інфармацыі, атрыманай ад Генеральнага штаба Узброеных Сіл Украіны, а таксама іншых адкрытых і правераных крыніц. У той жа час мапы не максімальна дакладныя і толькі ўмоўна адлюстроўваюць тэндэнцыі ў зоне баявых дзеянняў.