Што адбываецца на палігоне «Ласвіда» пад Віцебскам?
7- 1.12.2022, 17:23
- 18,950
Мясцовыя жыхары адзначаюць шмат расейскіх «мобікаў» і тэхнікі.
Тэлеграм-каналы паведамляюць, што некаторы час таму на палігон «Ласвіда» пад Віцебскам прывезлі цягніком мабілізаваных з Расеі. На палігоне яны захварэлі і іх возяць лячыць у Віцебскую абласную лякарню.
Таксама мабілізаваных бачылі ў «Еўраопце» ў віцебскім мікрарайне Білёва.
Тэлеграм-каналу «Баста!» удалося даведацца пра тое, што адбываецца на палігоне «Ласвіда»:
- На палігоне ідзе стральба і ўдзень, і ўначы, што паказвае на інтэнсіўную баявую падрыхтоўку.
- Мясцовыя жыхары бачылі расейскіх вайскоўцаў, якія строем ішлі ў бок Гарадка (найбліжэйшы населены пункт ад палігона).
- У Гарадку таксама бачылі браняваную тэхніку.
Палігон «Ласвіда» (Віцебскі раён) стаў адным з месцаў, дзе знаходзіцца лагер расейскіх вайскоўцаў са складу рэгіянальнай групоўкі войскаў.