На мяжы Сумшчыны і Палтаўскай вобласці працягваецца «гадацкае сафары»
5- 18.03.2022, 21:24
- 25,414
Украінскія паляўнічыя ўжо адабралі ў расейскіх вайскоўцаў 10 танкаў, кулямёты і аўтаматы.
На поўначы Палтаўскай вобласці, між іншым, на мяжы з Сумшчынай, адбываюцца баявыя сутыкненні з расейскімі акупантамі. Тых, хто пасля сустрэчы з украінскім войскам і тэрытарыяльнай абаронай збеглі, шукаюць мясцовыя паляўнічыя. Частка тэхнікі, адабраная ў расейскіх вайскоўцаў, ужо адрамантаваная і перададзеная УСУ.
Пра гэта падчас камунікацыі з журналістамі рэгіянальных СМІ распавёў начальнік Палтаўскай абласной вайсковай адміністрацыі Дзмітрый Лунін, паведамляе Цензор.НЕТ.
«На поўначы вобласці адбываюцца баі з расейскімі акупантамі, размова пра ахтырскі кірунак. Акрамя таго, працягваецца так званае «гадацкае сафары» – паляўнічыя ўжо не толькі са стрэльбамі «палююць», але і адабралі ў акупантаў кулямёты і аўтаматы, а таксама больш за 10 танкаў і іншую тэхніку. Яны перададзеныя Узброеным сілам Украіны, адрамантаваныя і ўжо працуюць на наша войска», - сказаў Дзмітрый Лунін.
Адзначыў, што больш за 500 параненых байцоў і цывільных трапіла ў нашы бальніцы з Сумшчыны і Харкаўшчыны. Ім дапамагаюць. У гэтым, кажа Зміцер Лунін, пераканаўся асабіста.
Распавёў, што ў шэрагі тэрытарыяльнай абароны вобласці прыцягнутыя амаль 15 тысяч чалавек.
«Хто не трапіў ва Узброеныя сілы, у тым ліку і ТрА, павінны прадоўжыць працаваць. Эканамічны фронт таксама вельмі важны. Палтаўшчына цяпер тылавая вобласць, таму павінны тут забяспечыць эфектыўную работу эканомікі», - дадаў Дзмітрый Лунін.