Сёння а 13-й у Вільні пачнецца антываенная канферэнцыя

Глядзіце прамую трансляцыю на сайце Charter97.org.

У гэтую суботу, а 13-й у Вільні адбудзецца антываенная канферэнцыя, у якой будуць удзельнічаць вядомыя прадстаўнікі расейскай апазіцыі, у тым ліку арганізатары Форуму свабоднай Расеі, дзейныя літоўскія палітыкі і прадстаўнікі ўкраінскай і беларускай дыяспараў.

Сярод удзельнікаў канферэнцыі: Гары Каспараў, Леанід Неўзлін, Яўгенія Чырыкава, Канстанцін Эгерт, Леанід Гозман, галоўная рэдактарка Charter97.org Наталля Радзіна, Лілія Шыбанава, Ілля Панамароў, Іван Праабражэнскі, Дзмітрый Савін і іншыя.

Большасць спікераў будуць удзельнічаць у мерапрыемстве вочна, частка падключыцца да дыскусіі анлайн. Акрамя прадстаўнікоў Расеі і Беларусі ў мерапрыемстве возьмуць удзел літоўскія палітыкі і грамадскія дзеячы.

Асноўныя заяўленыя тэмы дыскусій: ацэнка ваеннай сітуацыі, уплыў вайны на рэжым у Расеі, метады супрацьдзеяння Вольнага свету пуцінскай агрэсіі, а таксама магчымыя практычныя крокі расейскай эміграцыі ў ціску на пуцінскі рэжым.