У Харкаве затрымалі пілота расейскага знішчальніка

Ён выявіўся намеснікам камандзіра авіяцыйнага палка.

Уначы 7 сакавіка вайскоўцы Нацыянальнай гвардыі Украіны затрымалі аднаго з двух пілотаў расейскага знішчальніка - абодва здолелі катапультавацца пасля таго, як іхні самалёт збілі ўвечары, паведамляе «Суспiльне».

Пасада затрыманага расейскага пілота - намеснік камандзіра авіяцыйнага палка, паведамілі ў штабе абароны Харкава.

Пілота збітага знішчальніка затрымалі ды перадалі ў адзін з раённых аддзелаў паліцыі ў Харкаве.

Іншы расейскі пілот дагэтуль хаваецца ў месце.

«Напэўна, адзеты ў форму лётнага складу УС РФ! Просім мясцовае насельніцтва дапамагчы ў затрыманні пілота», - заклікаюць у штабе.