У ЕЗ неўзабаве абмяркуюць заяўку Украіны на ўступленне

1 сакавіка Еўрапейскі парламент падтрымаў наданне Украіне статуса кандыдата на ўступленне ў ЕЗ.

Прэзідэнт Еўрапейскай рады Шарль Мішэль заявіў у Twitter, што заяўку Украіны на сяброўства ў Еўразвязе абмяркуюць у найбліжэйшыя дні.

«Салідарнасць, сяброўства і беспрэцэдэнтная дапамога ЕЗ для Украіны непахісныя. У найбліжэйшыя дні мы абмяркуем заяўку Украіны на сяброўства», - напісаў ён.

Ён таксама дадаў, што ЕЗ цвёрда стаіць на баку Украіны ў пытанні аблягчэння гуманітарных праблем, выкліканых расейскай агрэсіяй, і гарантаванне ядзернай бяспекі.