Як беларусам прадаць нерухомасць, знаходзячыся за мяжой?

Спецыяліст расказаў пра ўсе нюансы.

Прадаць кватэру ў сённяшніх умовах даволі цяжка, асабліва калі вы плануеце кантраляваць працэс з-за мяжы. Экспэрт агенцтва нерухомасці распавёў realt.by, як падрыхтавацца да продажу аб'екта і што можа паўплываць на хуткасць угоды.

Сёння, у сітуацыі, калі зменшаны попыт аказвае моцны ціск на кошты ў бок іх зніжэння, задача №1 любога прадаўца па-за залежнасці ад яго знаходжання - прадаць аб'ект хутка. На думку Андрэя Чарнышова, намесніка начальніка аддзела кансалтынгу і аналітыкі групы кампаній «Твая сталіца», рынак нерухомасці пакуль яшчэ знаходзіцца на першапачатковай стадыі стагнацыі. Але ўжо хутка пяройдзе ў фазу ўстойлівага падзення.

- Прадаўцы і пакупнікі пакуль не разабраліся, што рабіць. Мы бачым, што даляр расце, уплывае і неспрыяльная геапалітычная абстаноўка. Выйграе зараз той, хто хутчэй адрэагуе на змены рынку: адкарэктуе кошт аб'екта з улікам росту валюты. Калі карціна не зменіцца, тое падзенне попыту і коштаў будзе толькі набіраць абароты. І з кожным днём велічыня скідкі, запытанай пакупнікамі, будзе толькі павялічвацца.

Зыходзячы з агульных паказчыкаў, можна сказаць, што працэс продажу кватэры, у прынцыпе, працаёмкі і мае шмат падводных камянёў. А ўжо калі прадавец знаходзіцца ў іншай краіне - то ўсё гэта можна памнажаць на два.

Больш падрабязна аб кожным этапе, калі вы хочаце прадаць жыллё, знаходзячыся за мяжой.

1. Давераная асоба.

— Найперш, уласніку трэба знайсці давераную асобу, якая знаходзіцца ў Беларусі, на якую ён аформіць генеральную даверанасць. Без гэтага ніяк. Нашто генеральную? Гэты чалавек будзе прадстаўляць вас у структурах, якія неабходна наведаць у працэсе продажу аб'екта: банкі, БРТІ, агенцтва нерухомасці і інш. Ён жа будзе займаецца паказам кватэры. Гэта значыць, будзе максімальна кампенсаваць адсутнасць уласніка.

2. Рэгістрацыя.

- Калі вы плануеце прадаваць нерухомасць, знаходзячыся ў іншай краіне, перш за ўсё паклапаціцеся аб папярэдняй «выпісцы» ўсіх асоб з прадаванай кватэры. Калі не паспелі да ад'езду, тады ваша давераная асоба павінна будзе зарэгістраваць вас у іншым месцы. Калі ўласнік - мужчына, то апроч гэтага, яго трэба будзе паставіць на вайсковы ўлік па месцы рэгістрацыі. Калі ў кватэры зарэгістраваныя непаўналетнія дзеці, то да справы падключаюцца органы апекі, што зацягвае працэс продажу.

3. Недахоп попыту і недавер пакупнікоў.

- Акрамя таго, што цяпер прапанова пераважае над попытам, хуткасці ўгоды перашкаджае знаходжанне ўласніка за мяжой. На жаль, у апошнія гады не рэдкія прыклады махлярства, калі, нібы ўласнікі спрабуюць прадаць маёмасць (не толькі кватэры), знаходзячыся за межамі краіны. У грамадстве такія ўгоды выклікаюць падазрэнні і патэнцыйным пакупнікам прасцей працаваць з прадаўцамі, якія знаходзяцца на месцы. Адразу трэба падрыхтавацца, што ўласнік за мяжой, няхай і з даверанай асобай, але са спешкай продажу - гэта вельмі слабое звяно.

4. Ці можна справіцца без дапамогі агенцтва?

- Пры продажы кватэр у моцным становішчы заўсёды знаходзіцца прадавец. Яму трэба толькі «перадаць ключы» і атрымаць грошы. Пакупнік жа праз некаторы час пасля пакупкі можа сутыкнуцца з нейкай асобай, якая будзе прэтэндаваць на ягоную кватэру - у выпадку, калі гісторыя кватэры і дакументы на яе, да правядзення ўгоды будуць недастаткова дасканала правераны. У такіх выпадках здзелка прызнаецца несапраўднай і бакі вяртаюцца ў першапачатковае становішча. Пакупніку вярнуць грошы вельмі складана. Таму ў такіх выпадках яму лепш настаяць на праверцы права ўласнасці і перадачы правоў, каб у будучыні пазбегнуць непрыемных сітуацый, дзе ён застаецца і без жылля, і без грошай.

Акрамя таго, ні пакупнік, ні давераная асоба прадаўца не могуць самастойна запытаць у дыспансерах інфармацыю аб уласніку, гісторыю кватэры, судовую і банкаўскую выпіску. Такія дакументы выдаюцца толькі юрыдычным асобам, таму такія ўгоды ў любым выпадку будуць праходзіць праз агенцтва нерухомасці. Калі не звернецца прадавец, тады рыэлтар будзе прысутнічаць з боку пакупніка.

5. Разлік.

- Пералічыць грошы наўпрост уласніку не атрымаецца. Неабходна, каб давераная асоба адкрыла рахунак у беларускім банку на імя прадаўца. Туды пакупнік і пералічыць аплату. Далей уласнік павінен знайсці варыянты пераказу сродкаў.