Генштаб УСУ: Расейскі акупант перакідвае авіяцыю ў Беларусь

Акупанты плануюць новыя ўдары па гарадах Украіны.

Расея плануе новыя ракетна-бомбавыя ўдары па буйных гарадах Украіны і з гэтай мэтай перакідвае авіяцыйныя падраздзяленні дзвюх вайсковых акруг на тэрыторыю Беларусі.

Пра гэта распавялі ў Генштабе УСУ.

«Акупанты плануюць актывізаваць авіяцыю, з мэтай нанясення ракетна-бомбавых удараў па буйных гарадах Украіны і прамысловай інфраструктуры. Для выканання гэтай мэты на тэрыторыю Рэспублікі Беларусь перакідваюцца авіяцыйныя падраздзяленні Цэнтральнай і Усходняй вайсковых акруг», - заявілі ў Генштабе УСУ.