Украінскія жанчыны-вайскоўцы - акупантам: Будзем адстрэльваць, як шалёных сабак!

Украінкі запісалі відэазварот.

Украінскія жанчыны-вайскоўцы звярнуліся да расейцаў, якія прыйшлі з вайной ва Украіну, паведамляе УНИАН.

«Мы - жанчыны Украіны, мы дабраславілі нашых мужчын на абарону нашай зямлі. Мы ўжо вывезлі нашых дзяцей у бяспечнае месца - генафонд нашай нацыі абаронены», - гаворыцца ў звароце.

Жанчыны адзначылі, што далучыліся да мужчын УСУ і будуць знішчаць ворага на кожным сантыметры ўкраінскай зямлі.

«За кожнае дзіця, жанчыну, старога, разбураны дом і нават хлеў мы будзем адстрэльваць вас, як шалёных сабак!» - звярнуліся вайскоўцы да акупантаў.