Першыя добраахвотнікі Інтэрнацыянальнага легіёна ўжо знаходзяцца на пазіцыях на ўскраінах Кіева

Гэта добраахвотнікі з Вялікабрытаніі, ЗША, Швецыі, Літвы, Мексікі і нават Індыі.

Першыя добраахвотнікі Інтэрнацыянальнага легіёна Тэрытарыяльнай абароны Украіны ўжо знаходзяцца на пазіцыях на ўскраінах Кіева. Пра гэта паведамілі Наземныя войскі Узброеных сіл Украіны.

«Добраахвотнікі з Вялікабрытаніі, ЗША, Швецыі, Літвы, Мексікі і нават Індыі», - гаворыцца ў паведамленні.

Нагадаем, 27 лютага Зяленскі заклікаў замежнікаў прыехаць ва Украіну і далучыцца да барацьбы супраць расейскіх войскаў.

Згодна з палажэннем аб праходжанні вайсковай службы ва Узброеных сілах Украіны замежнікамі і асобамі без грамадзянства, зацверджаным указам прэзідэнта ад 10 чэрвеня 2016 года №248, замежнікі маюць права паступіць ва УСУ на вайсковую службу паводле кантракта ў добраахвотным парадку, у тым ліку і ў рады Сіл тэрытарыяльнай абароны УСУ.

З замежнікаў фармуецца асобнае падраздзяленне - Інтэрнацыянальны легіён тэрытарыяльнай абароны Украіны.

Для запісу ў Інтэрнацыянальны легіён і па ўсіх дэталях можна звяртацца да аташэ ў пытаннях абароны пасольства Украіны ў дзяржаве асобы, якая хоча ўстаць на абарону Украіны.

Прэзідэнт Украіны ўвёў з 1 сакавіка бязвізавы рэжым для замежнікаў, якія жадаюць уступіць у Інтэрнацыянальны легіён абароны Украіны. Бязвіз уводзіцца часова на перыяд дзеяння ваеннага становішча.