У Курскай вобласці нечакана абрынуўся чыгуначны мост
17- 1.05.2022, 14:21
- 16,680
Прычыны надзвычайнага здарэння пакуль невядомыя.
У Курскай вобласці РФ абрынуўся мост, паведаміў у сваім тэлеграм-канале губернатар рэгіёну Раман Старавойтаў, цытуе «Сегодня».
Інцыдэнт адбыўся на 67-м кіламетры чыгункі Суджа-Сасновы Бор. Разбурэнне канструкцыі было знойдзенае сёння аб 11:20.
Прычыны надзвычайнага здарэння невядомыя. На месцы цяпер працуюць спецыяльныя службы, якія павінны высветліць, што адбылося са збудаваннем.
«Чыгуначная галінка выкарыстоўвалася для перамяшчэння таварных саставаў», - адзначыў губернатар, дадаўшы, што пацярпелых падчас інцыдэнту не было і што жыццю і здароўю грамадзян нічога не пагражае.