Банкі Беларусі далей уводзяць абмежаванні што да картак банкаў-нерэзідэнтаў

Спіс змен.

Многія беларускія банкі ўвялі абмежаванні ў шэрагу фінансавых аперацый. Яны закранулі, у тым ліку, аперацыі аплатных картак, эмітаваных банкамі-нерэзідэнтамі, паведамляе belmarket.by.

Так, «Парытэтбанк» з 29 красавіка 2022 года ўвёў абмежаванне на зняцце гатоўкі ў сваіх банкаматах з аплатных картак, эмітаваных банкамі-нерэзідэнтамі, сумай 200 руб. На дзень і 1000 руб. на месяц на адну картку.

З 29 красавіка «Прыёрбанк» не падтрымлівае сэрвіс пералічэнняў беларускіх рублёў з аплатных картак, эмітаваных замежнымі банкамі, на карткі Visa і Mastercard «Прыёрбанка». Пералічэнні ў замежнай валюце ажыццяўляюцца ў звычайным рэжыме.

У сваю чаргу, «Беларусбанк» (таксама з 29 красавіка) увёў часовае абмежаванне на ажыццяўленне аперацый выдачы гатоўкі з картак міжнародных аплатных сістэм Visa, Mastercard і UnionPay International, эмітаваных банкамі-нерэзідэнтамі, у сваіх банкаматах і ўстановах сумай 200 рублёў на тыдзень на адну карту.

Раней абмежаванні і новыя ўмовы што да картак, эмітаваных банкамі-нерэзідэнтамі, увялі і іншыя беларускія банкі.

Да прыкладу, «Альфа-Банк» паведаміў, што з 22 красавіка змененая сума ўзнагароды за выдачу гатоўкі ў банкаматах і касах «Альфа-Банка» трымальнікам банкаўскіх аплатных картак, эмітаваных банкамі-нерэзідэнтамі РБ - 20% ад сумы выдаваных сродкаў.

З 26 красавіка «Белаграпрамбанк» увёў часовае абмежаванне для аперацый зняцця гатоўкі з выкарыстаннем банкаўскіх аплатных картак міжнародных аплатных сістэм Mastercard і UnionPay International, эмітаваных банкамі-нерэзідэнтамі, у банкаматах ААТ «Белаграпрамбанк» у суме не большай за 500 рублёў у разліку на адну картку на тыдзень.

Акрамя таго, раней паведамлялася, што «БСБ Банк» з 19 красавіка 2022 года ўводзіць камісію на выдачу гатоўкі ў банкаматах Банка з карткамі эмітаваных банкамі-нерэзідэнтамі, у памеры 20% (на беларускія рублі і замежную валюту).

Праўда, зараз гэтая інфармацыя на сайце банка ўжо адсутнічае. Пры спробе атрымаць доступ да названага паведамлення па раней актыўнай спасылцы з'яўляецца апавяшчэнне аб тым, што старонка не знойдзена ці недаступная.