Прэзідэнт Чэхіі дазволіў 103 грамадзянам сваёй краіны далучыцца да УСУ
3- 11.05.2022, 17:36
- 5,736
Што вядома аб добраахвотніках з іншых краін.
Прэзідэнт Чэхіі Мілаш Зэман падпісаў пастанову аб згодзе ўступлення 103 грамадзян сваёй краіны ў шэрагі Узброеных сіл Украіны. Усе яны напярэдадні напісалі заяву аб гэтым жаданні.
Пра гэта паведаміў спікер прэзідэнта Чэхіі Іржы Аўчачак у сацсетцы.
24 канал зазначыў, што чэхі павінны прасіць дазволу ўступіць у шэрагі войска іншай краіны на падставе закона аб вайсковай службе і яе забеспячэнні. Для гэтага неабходна напісаць заяву і атрымаць дазвол кіраўніка краіны.
Што вядома аб добраахвотніках з іншых краін
Дарэчы, яшчэ 14 красавіка чэшскія дыпламаты вярнуліся ў Кіеў і ўзнялі бел-чырвона-сіні нацыянальны сцяг сваёй краіны перад будынкам амбасады. Акрамя таго, кіраўнік чэшскага парламента Мілаш Выстрчыл пабываў у знішчанай Ірпені.
Раней прэзідэнт Уладзімір Зяленскі звярнуўся да ўсіх грамадзян дружалюбных дзяржаў, каб яны прыехалі ва Украіну і разам з адважнымі Узброенымі сіламі змагаліся і перамагалі расейскіх акупантаў.
Яшчэ ў пачатку сакавіка ва Украіну прыбылі добраахвотнікі з больш чым 50 краін свету. Яны дапамагаюць украінцам у барацьбе з расейскімі захопнікамі. Усе добраахвотнікі далучаюцца да шэрагаў Інтэрнацыянальнага легіёна абароны. Дарэчы, людзі прыбываюць з Польшчы, краін Балтыі, з далёкіх краёў, са Скандынавіі, Вялікай Брытаніі, ЗША і г.д.