Як выглядаюць самыя танныя аднапакаёвыя кватэры ў Менску, у якіх адразу можна жыць
8- 21.05.2022, 20:57
- 8,188
Ёсць варыянты і ў новабудоўлі.
Realt.by сабраў топ з пяці недарагіх аднапакаёвых кватэр у Менску. У іх можна заязджаць адразу пасля куплі. Ёсць варыянты каля мэтро і ў Мінск-Свет. А самая дарагая кватэра з набору каштуе 44500 даляраў.
Райніса, 19
Аднапакаёвая кватэра каля станцыі мэтро "Партызанскай". Другі паверх пяціпавярховай хрушчоўкі.
31 "квадрат" агульнай плошчы, 19 з якіх жылая. Кухня - 5,8 «квадрата».
- У кватэры добры рамонт з заменай усіх камунікацый, - напісана ў аб'яве. На падлозе ў пакоі дошкі пакрытыя лакам.
Замененая праводка на кухні. Замененыя ўсе трубы, усталяваныя лічыльнікі газу і вады. На падлозе ў кухні і санвузле - плітка.
Дом у ціхім двары з развітай інфраструктурай: крамы, банкі, кавярні ды рэстарацыі, ГЦ "Беларусь", фітнэс-зала, дзіцячыя садкі, школы, побач з домам парк Чынгіза Айтматава і Сляпянская водная сістэма. 10 хвілін пешшу да станцыі мэтро "Партызанскай".
Вартасць кватэры - 43 тысячы даляраў.
Галадзеда, 16
Аднапакаёвая кватэра ў Чыжоўцы.
Пяты паверх панэльнага пяціпавярховіка. 35 "квадратаў", 17 жылыя. Ёсць прасторны гардэробны пакой і балкон. Санвузел падзелены. На падлозе ў пакоях ляжыць ламінат. Вокны выходзяць у двор.
Побач з домам ёсць дзіцячая пляцоўка і адкрытая паркоўка. Каля дома знаходзіцца 135-я школа, за 5 хвілін хады яшчэ дзве школы - № 124 і № 112. Побач некалькі дзіцячых садкоў, паліклініка, ГЦ і Чыжоўскі базар. За некалькі хвілін ад дома рака Свіслач і Чыжоўскае вадасховішча.
Вартасць кватэры - 41 900 даляраў.
Ванеева, 28
Аднапакаёўка ля плошчы Ванеева. Пяты паверх панэльнага пяціпавярховіка.
Агульная плошча - 31,9 "квадрата", жылая - 19. Кухня - 5, 8 "квадрата". У кватэры сумешчаны санвузел, ёсць балкон. Усталяваныя новыя лічыльнікі.
- Дом прайшоў мадэрнізацыю, - удакладняецца ў аб'яве.
Развітая інфраструктура: дзіцячы садок у двары дома, школы, паліклінікі. Побач з домам парк, стадыён.
Вартасць кватэры - 44 500 даляраў.
Партызанскі праспект, 46
Кватэра побач з станцыяй мэтро «Партызанскай».
Другі паверх цаглянага пяціпавярховага дома 1961 года пабудовы. У 2022 годзе ў доме прайшоў капітальны рамонт. Агульная плошча - 30,4 «квадрата», жылая - 18,6 м2, кухня - 5,8. Ёсць зашклёны балкон. Санвузел у кватэры сумешчаны. На падлозе ляжыць ламінат. У пакоі і вітальні акуратны рамонт, у санвузле рамонт не зроблены.
Вартасць кватэры - 42990 даляраў.
Кіжаватава, 3Д
Аднапакаёўка вольнага плану ў Мінск-Свет.
Шосты паверх дваццаціпяціпавярховага каркасна-блочнага дома. 28 "квадратаў" агульнай плошчы, 18 - жылы. Кухня - 8 квадратаў. Ёсць зашклёная лоджыя. Санвузел у кватэры сумешчаны. На падлозе ляжыць ламінат. Усталяваныя шклопакеты і лічыльнікі вады. Усе вокны панарамныя.
Вартасць кватэры - 41200 даляраў.