Беларускага таксіста ад падатковай выратавала праца «ад бардзюра»?

Працяг гісторыі пра 40 рублёў за паездку

Нядаўна ў Менску пасажырка села ў таксі на чыгуначным вакзале і даехала да станцыі метро «Усход». За гэтую паездку даўжынёй некалькі прыпынкаў метро таксіст узяў з яе ні многа ні мала 40 рублёў, піша abw.by.

Памер гэтай сумы абурыў сына 65-гадовай жанчыны і ён звярнуўся ў падатковую, напісаўшы: «Гэта рабаванне! На жаль, нумары маці не запомніла, але дакладна ўпэўнена, што села ў машыну таксі цёмнага колеру. Разумею, што заклікаць да адказу таго кіроўцы нельга, але паставіць на кантроль такія выпадкі абкрадання простых грамадзян можна»...

Упраўленне аператыўных мерапрыемстваў ІМПЗ па горадзе Менску тады пракаментавала гэты ліст так: «Калі без лірыкі, то мы вельмі шукаем гэтага таксіста. У выпадку добраахвотнай яўкі залічым таксісту змякчальную віну акалічнасць: закон ёсць закон.

Найменне службы ў звароце мы зарэтушавалі, бо ўпэўненыя, што служба ні пры чым, але з кіраўніцтвам службы на ўсялякі выпадак перагаворым.

Таксіст узяў кліента «ад бардзюра», зарабіў, як яму здавалася, лёгкія грошы, і досвед нам падказвае, што таксометр на радасцях ён уключыць забыўся. Ну што ж: мы дзейнічаем выключна ў рамках закону і прыцягнуць да адказнасці таксіста зможам толькі за парушэнне парадку прыёму гатоўкі». Але вось памер штрафу падбяром з улікам усіх акалічнасцяў справы - гэта таксама наша законнае права...»

Працяг гісторыі

Гісторыя атрымала працяг - падаткавікі пракаментавалі сітуацыю так:

«Учора дыспетчарская служба, пад сцягам якой дзейнічаў гэты таксіст, даслала нам звесткі аб пяці аўтамабілях, зафіксаваных сістэмай дыспетчара ў той злашчасны для пасажыркі дзень. Папярэдняе супастаўленне гэтых звестак з сістэмай АІС ККО паказала, што хутчэй за ўсё, сярод гэтых кіроўцаў няма нашага персанажа. На жаль, звестак аб кіроўцу і яго аўтамабілі, прадстаўленых у скарзе, крытычна мала для хуткага выніку.

Рабочай застаецца наша першапачатковая версія аб тым, што кіроўца прыняў ад пенсіянеркі заказ міма сістэмы дыспетчара, працуючы на сябе «ад бардзюра».

Парады з практыкі

Для таго, каб пазбегнуць такіх сітуацый, падаткавікі даюць рэкамендацыі ад практыкаў:

калі ў сваякоў пажылых ці малалетніх ёсць магчымасць выклікаць для іх таксі і аплаціць паездку праз мабільную аплікацыю, то рабіце так у 100% выпадкаў;

калі вы заказваеце паездку непасрэдна ў кіроўцы, то перад пасадкай у аўтамабіль абавязкова ўдакладніце кошт паездкі да пункта прызначэння. Пачуўшы адказ «дамовімся, не пакрыўджу» - адмаўляйцеся ад паездкі.

Калі кіроўца адказвае: «кошт па тарыфе, таксометр пакажа» абавязкова ўдакладняйце тарыф за км. Бывалі выпадкі, калі тарыф за паездку складаў 5 руб/км.

Важна! Калі вы не ўдакладнілі тарыф, кошт паездкі склаў, да прыкладу, 100 руб. за 10 км, а кіроўца выдаў плацежны дакумент, дык у гэтай сітуацыі пасажыру дапаможа толькі суд. І тое, калі вы зможаце даказаць атрыманне кіроўцам неабгрунтаванай выгады.