Крык душы беларускага лекара

Медык абураны закрыццём прыватных медцэнтраў у Беларусі.

Медыкі рэагуюць на сітуацыю з закрыццём прыватных медцэнтраў у Беларусі. Тэлеграм-канал «Белые халаты» апублікаваў меркаваннем чалавека, які не з чутак знаёмы з тым, што такое дзяржаўная медыцына і як немагчыма зрабіць яе колькі хочаш падобнай да прыватнай:

- Тут адзін міністр экспэрымент задумаў, ажно ў 18 установах аховы здароўя платную дапамогу надаваць у вольны ад асноўнай працы час. І галоўнае ўсё для агульнага дабра: лекарам даплаціць, пацыенту зручнасць. Ну добра, што дадумаліся, вось толькі пытанне саспела.

Як у недаўкамплектаваных установах надаваць дапамогу яшчэ ў большым аб'ёме? Дзе ўзяць дадатковы персанал?

Ды і ўвогуле, логіка дзе? Платныя паслугі ёсць ва ўсіх УАЗ і даўно, а тут відавочна хочуць улезці ў нішу платных цэнтраў і заняць гэты рынак.

Але як канкураваць звычайнай паліклініцы з тым жа «ЛАДЭ»? Дзе ўсё працавала паводле гадзінніка, чэргаў - няма, хамства - вельмі рэдкая з'ява, з якім змагаюцца ў зародку. Адсутнасць эксплуатацыйных матэрыялаў і рэактываў - лухта! Іншы менталітэт - ты не «хворы» які прыйшоў па дапамогу і павінен выпрошваць або выбіваць яе ў бяздушнай сістэмы, мэта якой не выдаткаваць лішні талон на МРТ, а ты кліент! Ты плаціш за паслугу і павінен атрымаць яе найвышэйшай якасці.

А тут атрымліваецца стомлены лекар, павінен за 5 хвілін змяніць амплуа на лекара прыватнай клінікі? Прычым тыя хто хацеў спакойна ішлі ў тое ж «ЛАДЭ» ці іншыя клінікі і падзараблялі там. Цяпер не - працуй як у «ЛАДЭ», толькі не ў «ЛАДЭ».

Цяпер я вельмі шкадую, што не захоўваў свае разліковыя лісты, дзе былі пазначаныя сумы за “выкананыя платныя паслугі насельніцтву”. Гэта проста не перадаць словамі, калі ты за выкананне УГД атрымліваеш натуральна пару рублёў, а павінен зрабіць яго тады калі прыйшоў платны пацыент, нягледзячы на сваю асноўную працу, бо нікога не хвалюе, што ў цябе процьма сваёй працы і ты ледзь паспяваеш яе зрабіць.

Сапраўды, я быў гатовы плаціць гэтыя грошы клініцы, каб яна адстала ад мяне і мне не даводзілася глядзець платных пацыентаў. Для клінікі не стаяла мэта зарабіць на гэтай паслузе, галоўнае выканаць план платных паслуг, можа да Піневіча дойдзе, што на двух крэслах сядзець нельга і перастроіцца ад «сацыяльна арыентаванай беларускай медыцыны» на камерцыйную бывае вельмі і вельмі цяжка, нават пры наяўнасці такога жадання ў звычайнага лекара, а для кіраўніка - зусім немагчыма.

Вы вызначыцеся, вам ці план падавай ці грошы. Калі мэта грошы, то для пачатку ў кампаніі павінны працаваць законы бізнэсу, а не законы ідэалухаў і КДБ-білетаў. Павінна быць наладжаная пастаўка рэактываў, не павінна быць чакання закупак эксплуатацыйных матэрыялаў месяцамі. Дзе і на працу прымаць трэба будзе сапраўдных прафесіяналаў, а не ідэйна правільных.

У Стругацкіх ёсць раман «Град асуджаны», дзе тысячы людзей бралі ўдзел у нейкім экспэрыменце нават не разумеючы, што гэта за экспэрымент і для чаго ён патрэбны: «Экспэрымент ёсць Экспэрымент». Некаторыя думаюць, што так аўтары адлюстравалі першае кола пекла.

Мабыць і нашае Міністэрства аховы здароўя кіруецца гэтым сцвярджэннем. Такі экспэрымент асуджаны на крах усюды, акрамя бадзёрых справаздач чыноўнікаў. Няма ні тых, хто будзе яго ўвасабляць у жыццё, ні нават тых, хто паўнацэнна разумее навошта гэта і як павінна працаваць.

Але пераканаць Міністэрства аховы здароўя немагчыма, нават законам статыстыкі не ўдалося гэтага зрабіць у разгар ковіду.

Таму як знайсці дадатковыя кадры і кліентаў, якія ідуць па паслугамі ў дзяржаўныя цэнтры? Правільна - закрыць «Ладэ»! Вось табе і лекары на вакантныя стаўкі і пацыента-кліенты! Проста і геніяльна, калі думаць як узорны прадстаўнік ГУБАЗІКу з квадратна-гнездавым мысленнем.

Толькі сядзець на двух крэслах нельга, нельга забараніць продаж іншамарак і прымацаваўшы лагатып «БМВ» на «Ладу» прымусіць паверыць, у тое, што гэта адно і тое ж. З тым жа поспехам Лукашэнка можа згаліць вусы, надзець парык і спадніцу.

Увогуле, таварыш Піневіч, спыніце ўдаваць міністра і праводзіць вашыя геніяльныя экспэрыменты з рэшткамі айчыннай аховы здароўя, там і так мала чаго засталося пасля каранікаў/карпенкавых/шаўцовых/церцеляў. І ўвогуле, з трупаў здзекавацца — вялікі грэх.

А мы тым часам сямімільнымі крокамі ідзём у эпоху «продразверстак», барацьбы з кулацтвам, нацыяналізацый, расстрэлаў і іншых даброт дыктатуры беспрынцыповых ідыётаў.