ЗША выдалі ордэр на арышт самалётаў Абрамовіча
10- 6.06.2022, 21:26
- 24,076
Што адбылося.
Амерыканскі суд выдаў ордэр на арышт двух самалётаў расейскага алігарха Рамана Абрамовіча. Яны былі незаконна дастаўленыя ў Расею ў сакавіку 2022 года.
Пра гэта паведамляе DW.
Паведамляецца, што Абрамовіча абвінавачваюць у вывазе двух самалётаў амерыканскай вытворчасці без ліцэнзіі, якая патрабавалася праз санкцыі ЗША супраць Расе за поўнамаштабнае ўварванне ва Украіну.
Са звестак Міністэрства гандлю ЗША, Абрамовіч у лютым паказаў сваіх дзяцей бенефіцыярамі шэрагу "падстаўных арганізацый", якія валодаюць самалётамі Boeing 787 Dreamliner і Gulfstream G650 ER. Аднак напраўду сам распараджаўся імі.
У сувязі з гэтым пракуратура мае намер канфіскаваць самалёты, суд выдаў ордэр на іх арышт. Пры гэтым, са звестак ФБР, на сёння Boeing знаходзіцца ў Дубаі, а Gulfstream – у Маскве.
Адзначым, у дачыненні да самога Абрамовіча ў ЗША не ўводзілі санкцыі.