У Генеральным штабе УСУ расказалі аб сітуацыі на мяжы з Беларуссю
3- 8.06.2022, 21:31
- 7,914
Назіраецца чарговы этап правярання баявой гатовасці ўзброеных сіл Беларусі.
У Генеральным штабе Узброеных Сіл Украіны расказалі аб правакацыйных пралётах авіяцыі РФ і сітуацыі на мяжы з Беларуссю. Вораг абстрэльвае цывільную інфраструктуру і ўзмоцнена ахоўвае адцінкі ўкраінска-расейскай мяжы ў Бранскай і Курскай абласцях.
Пра гэта гаворыцца ў новых вестках Генштаба УСУ.
Так, на Валынскім і Палескім кірунках, у рамках чарговага этапу правярання баявой гатовасці ўзброеных сіл Беларусі, ажыццяўляецца перасоўванне асобных падраздзяленняў у пункты сталай дыслакацыі.
У той жа час на Северскім кірунку вораг далей забяспечвае ўзмоцненую ахову адцінка ўкраінска-расейскай мяжы ў Бранскай і Курскай абласцях. Абстраляў з мінамётаў цывільную інфраструктуру ля паселішчаў Ходзіна, Рыжоўкі і Вялікая Пісараўкі Сумскай вобласці. Акрамя таго, вораг выконваў правакацыйныя пралёты вайсковай авіяцыі ўздоўж дзяржаўнай мяжы Украіны.