Украінская «Валькірыя» ўдарыла па акупантах і знішчыла склад боепрыпасаў да «Урагана»
1- 1.07.2022, 9:05
- 4,506
Відэафакт.
Абаронцы Украіны штодня б'юць расейскіх акупантаў і варожую тэхніку па ўсіх напрамках. На Данбасе дзякуючы працы ўкраінскага беспілотнага авіяцыйнага комплексу "Валькірыя" артылерысты разнеслі склад боепрыпасаў войска РФ.
Кадры ўдалай спецаперацыі паказала прэс-служба Аператыўна-тактычнай групоўкі "Поўнач" у Facebook. Як адзначаецца, абаронцы Украіны патрапілі ў склад боепрыпасаў да "Урагана".
На відэа паказана, як загараецца і дыміць варожы склад.
"Слаўная ўкраінская Валькірыя зноў б'е акупантаў! Дзесьці на Данбасе з дапамогай БПАК нашы абаронцы трапна ўлучылі ў склад боепрыпасаў да Урагана і знішчылі яго!" – гаворыцца ў паведамленні.
Дрон "Валькірыя" ўкраінскай распрацоўкі, ён мае высокія паказнікі нагрузкі на дыстанцыі. Беспілотнік можа паднімаць цяжкія грузы на розных маршрутных адлегласцях.
З дапамогай адмысловай сістэмы скіду грузаў робат можа дакладна і мэтасяжна даставіць груз, напрыклад для знішчэння варожых цэляў або ў іншых мэтах. Да таго ж ва ўкраінскага беспілотніка ёсць некалькі функцыянальных пластоў, якія забяспечваюць бяспеку падчас транспартавання.