Колькі грошай беларусы выдаткоўваюць на алкаголь?

У краіне - "паўночная" мадэль спажывання спіртных напояў.

Летась арганізацыя World Population Review назвала Беларусь самай пітушчай краінай свету. Беларускае Міністэрства аховы здароўя зняпраўдзіла інфармацыю і растлумачыла, што для складання рэйтынгу былі выкарыстаныя старыя звесткі САЗ. У рэйтынгу 2022 года ў спажыванні алкаголю на душу насельніцтва Беларусь размяшчаецца на 25-м месцы.

Журналісты myfin.by паглядзелі статыстыку і даведаліся, колькі алкаголю выпіваюць беларусы, якія напоі набываюць часцей за ўсё і колькі грошай на гэта выдаткоўваюць.

Колькі беларусы выдаткавалі на алкаголь у першым квартале 2022 года?

Як адзначаюць экспэрты, у Беларусі "паўночная" мадэль спажывання алкаголю. Гэта значыць пакупнікі аддаюць перавагу моцным напоям. Аднак апошнія тэндэнцыі гавораць і аб росце продажаў слабаалкагольных напіткаў.

Афіцыйная статыстыка продажаў алкаголю публікуецца раз на квартал. Цяпер у адкрытым доступе толькі звесткі за студзень - сакавік 2022 года.

За тры месяцы гэтага года беларусы выдаткавалі на алкаголь і піва 1,1 млрд рублёў. Усяго алкаголю прададзена на 1 млн. 808 тыс. дал (рост склаў 0,6 адсотка да аналагічнага перыяду мінулага года).

Са звестак статыстыкі, выраслі продажы моцных напояў: продаж гарэлкі паказаў рост на 0,6%, каньякоў, каньячных вырабаў і брэндзі - на 12,8%, лікёраў і лікёра-гарэлачных вырабаў - на 6%. Адзначаны рост і менш моцных напояў: ігрыстых він, уключаючы шампанскае - на 1,1 адсотка і іншых слабаалкагольных напіткаў - на 40,7 адсотка.

А вось продажы піва, вінаградных і пладовых вінаў – зніжаюцца. Піва рэалізавана на 1% менш, вінаградных він - на 3%, пладовых він - на 10,5%.

Беларусы сталі больш піць?

Калі параўноўваць паказчыкі за апошнія 10 гадоў, то аб'ёмы продажу алкагольных напояў за апошнія 10 гадоў знізіліся. Напрыклад, у 2011 годзе ў Беларусі прадалі 11,6 млн. дал, то ў 2021 годзе - 7,7 млн. Рэалізацыя пладовых він за гэты перыяд знізілася больш як на 75 адсоткаў, гарэлкі і лікёра-гарэлачных вырабаў - на 30 адсоткаў. - На 15%.

За апошнія 10 гадоў пазначылася тэндэнцыя росту спажывання больш натуральных прадуктаў - вінаградных, ігрыстых вінаў, каньякоў, каньячных напояў і брэндзі. Таксама адбываецца паступовае перапрафіляванне вытворчасці алкагольнай прадукцыі з утрыманнем этылавага спірту на выраб вінаў палепшанай якасці.

Больш не самая пітушчая краіна свету?

Са звестак САЗ, Беларусь сапраўды ў лідарах паводле спажывання алкаголю на душу насельніцтва з 2007 года і заставалася на верхнім радку да 2014 года. Але ўжо ў 2016 годзе ў краіне выпівалі 11,2 літра на чалавека - гэта 27-е месца ў свеце ў спажыванні алкаголю.

Калі глядзець звесткі статыстыкі выпітых моцных напояў на душу насельніцтва, за 2020 год кожны беларус (старэйшы за 15 гадоў) ужыў больш за 10 літраў алкаголю. Гэты паказчык вышэйшы за ўзровень 2019 года на 0,3 л. Праверыць, наколькі справядліва арганізацыя World Population Review размясціла Беларусь на 25-м месцы ў спажыванні алкаголю на душу насельніцтва, мы пакуль не можам. Бо статыстыку за 2021 год Белстат апублікуе толькі ў наступным месяцы.

А што з коштамі алкаголю?

Інфляцыйныя працэсы закранулі і алкагольную прадукцыю. Цэны на напіткі з градусам рэгулююцца дзяржавай, а ў канцы красавіка была прынятая пастанова павялічыць кошт сыравіны (этылавы спірт-сырэц і рэктыфікаваны этылавы спірт). Гэта значыць выраслі кошты алкаголю, моцунак якога перавышае 28%.

Адпускная цана такіх напояў павялічылася да 5,79 рубля без ПДВ, а 40% алкаголю - да 7,66 рубля. Адпускны кошт пладовых мацаваных вінаў мацункам 18% павялічыўся на 3,54 рубля за тару 0,7 літра. Агулам паводле звестак Белстата, кошты алкаголю выраслі на 0,41%.