У Марыупалі заўважылі намесніка Шайгу

Прапагандысты «засвяцілі» падрабязнасці, якія могуць спатрэбіцца ўкраінскім партызанам.

Расея прадаўжае рабіць выгляд, што займаецца «аднаўленнем» захопленых яе войскамі гарадоў Украіны. Дзеля прапагандысцкай карцінкі для расейскай ТВ на днях у Марыупаль прыбыла «інспекцыя» ад кіраўніка расейскага мінабароны Сяргея Шайгу.

Пра гэта паведаміў украінскі дарадца мэра горада, палітык і актывіст Пётр Андрушчанка. У сваім Telegram-канале ён апублікаваў фрагмент відэа з візіту расейскага чыноўніка.

Гаворка ідзе пра намесніка міністра абароны РФ Цімура Іванава. Ён прыехаў у часова акупаваны Марыупаль нібы з «інспекцыяй» будаўніцтва фартыфікацый жылых кварталаў.

У роліку прапагандысты паказалі толькі частку нейкай будпляцоўкі і картэж расейскага чыноўніка каля яго. Тады як разбураная акупантамі інфраструктура ў кадр не патрапіла.

«Ведаем, што засталося за кадрам прапаганды (і пра аэрапорт, і пра порт, і пра акопы ў накірунку Мангуша - Нікольскае)», - падкрэсліў Андрушчанка.

У той жа час ён іранічна выказаў падзяку прапагандыстам за тое, што паказалі падрабязнасці картэжу Іванова і верталёт, на якім той прыбыў.