Па колькі ў Беларусі прадаюць маладую бульбу?
10- 1.07.2022, 14:09
- 6,536
Старую ўжо ёсць непажадана.
Цяпер кожнаму з нас варта хутчэй перайсці на маладую бульбу. Старыя клубні ўжо не пасадзіш, але і даядаць іх нельга - гэта можа сур'ёзна паўплываць на здароўе, піша telegraf.news.
Колькі захоўваецца бульбачка?
Тэрмін захоўвання залежыць ад гатунку і ўмоў. Звычайна гэта перыяд ад аднаго тыдня да 10 месяцаў. Каб клубень не псаваўся доўгі час, яго варта захоўваць у цёмным, сухім памяшканні пры тэмпературы, не вышэйшай за 3-4°С. Акрамя таго, месца павінна добра праветрывацца.
А вось калі тэмпература захоўвання 18°С градусаў, то бульба будзе нармальнай усяго толькі два тыдні, піша «Гастроном».
Калі з'яўляюцца небяспечныя фітатаксіны?
Цяпло і сонца ўплываюць на тое, што ў клубні з часам руйнуецца крухмал і з'яўляюцца клубневыя пупышкі - так бульба рыхтуецца даць новае жыццё. Каб засцерагчы клубні ад вонкавых пагроз - бактэрый, вірусаў, насякомых - канцэнтрацыю ў клубнях пачынае павялічваць алкалоід саланін.
Гэты фітатаксін бяспечны толькі ў невялікіх дозах. Пазней ён становіцца таксічным, асабліва для чалавека. Звычайна гэта бачна па зялёных бачках. Але нават калі іх няма, стары клубень сапраўды змяшчае ў сабе вялікую дозу алкалоідаў саланіну - есці такую бульбу нельга.
Чым пагражае ўжыванне саланіну?
Ён можа выклікаць моцнае атручэнне, ваніты і нават галюцынацыі. Цалкам разбураецца ён толькі пры тэмпературы звыш 250°С. Гэта значыць, калі вы проста зварыце ці падсмажыце бульбу, таксін усё адно застанецца.
Прыкметы, што бульбу есці нельга
Відавочна, што бульбу трэба выкінуць, калі:
стала маршчыністай;
стала вадзяністай;
з'явіліся праросткі;
з'явіліся зялёныя ці карычневыя плямы.
За колькі ўжо прадаюць маладую бульбу?
Паглядзім кошты ў некалькіх беларускіх крамах.
На сайце E-dostavka (Еўраопт) маладую азербайджанскую бульбу можна купіць па 1,79 BYN за кг. Мытыя раннія клубні з Пакістана каштавацьмуць даражэй - па 2,39 BYN за кг. А чырвоную бульбу (Азербайджан) прадаюць па 2,59 BYN за кг.
Беларускую свежую бульбу можна купіць у Green за 1,42 BYN/кг ці 3,13 BYN/кг. Таксама прадаюць імпартную па 2,27 BYN/кг і расейскую чырвоную - па 2,56 BYN/кг.
У Гіпа прадаюць белую бульбу па 2,19 BYN/кг, расейскую раннюю чырвоную — па 2,53 BYN/кг.