У Кітаі – новы ўсплёск COVID-19

Хварэюць цэнтральныя, паўночна-заходнія і паўднёвыя правінцыі.

У Кітаі зафіксаваны ўсплёск COVID-19. Штодзённая колькасць выпадкаў заражэння вырасла да самага высокага ўзроўню за апошнія сем тыдняў.

Усплёск зафіксаваны ў цэнтральных, паўночна-заходніх і паўднёвых правінцыях краіны, паведамляе Bloomberg.

Паводле звестак Нацыянальнай камісіі аховы здароўя, 15 ліпеня ў краіне паведамілі пра 450 заражэнняў – больш за ўсё з 25 траўня, большая частка выпадкаў выяўленая ў Аньхоі і Ганьсу.

У Шанхаі, які перажыў тыднёвы агульнагарадскі карантын, зафіксаваныя 33 выпадкі.

Ланьчжоу, сталіца правінцыі Ганьсу, увяла поўны карантын і загадала сваім больш як 4 мільёнам жыхароў заставацца дома. Уган, горад з насельніцтвам блізу 300 000 жыхароў у правінцыі Хэнань, таксама абвясціў пра карантын.