Расейскія акупанты ўцякаюць з Украіны цэлымі падраздзяленнямі

Яны скардзяцца на стаўленне з боку камандавання, якое абыякавае да жаўнераў.

Расейскія акупанты распавядаюць сваім сваякам аб тым, што вайскоўцы РФ уцякаюць з Украіны цэлымі падраздзяленнямі. Пра гэта ў новым перахопе расейскі акупант расказвае сваёй маці. Паводле ягоных слоў, з яго ўзвода ўцяклі ўжо больш за 100 жаўнераў і яны "ўжо недзе ў Калінінградзе", - публікуе перахоп Галоўная ўправа выведкі Мінабароны.

"Ведаеш, колькі людзей хоча застацца з нашага ўзвода? Столькі, колькі ў цябе дзяцей усяго! Уцякло ўжо больш за 100 чалавек. Гэта значыць, 100 чалавек ужо знаходзяцца ў Калінінградзе. Кагосьці звальняюць, кагосьці яшчэ нешта. Гэта толькі узвод. Такіх тры ўзводы! Трэці, мабыць, цалкам сыдзе, другі - там няшмат людзей застанецца. Нас павінна быць 30 чалавек, засталося 10. Астатнія або параненыя, або забітыя", - кажа рашыст.

У сваю чаргу маці акупанта здзівіла сваёй рэакцыяй. Яна ўпэўнена, што акупанты павінны ваяваць да апошняга расейца: "Абазваўся грыбам, лезь у гаршчок".

Разам з тым акупанты таксама скардзяцца на быдлячае стаўленне з боку камандавання, якому пляваць на жаўнераў.

"У нас у генерала мянушка – крывавы генерал, калябан, жывёла. Гэта ўсё пра нашага. Кепскі чалавек. Ён у свой час сказаў, што яму па… (абыякава) на людзей – я хачу зайсці ў Харкаў. Усім людзям ужо…" Размаўляў з імі. Ім ужо на нас… (без розніцы). Яны не жадаюць нават слухаць. Проста пачалася злая паніка, вось і ўсё".

У сваю чаргу маці акупанта адказвае сыну, што гэта карма: "У мінулым жыцці ў цябе ў карце стаіць, што ты зараз у гарачым пункце, таму што ў цябе была здрада радзіме".

У Расеі расце колькасць вайскоўцаў, якія адмаўляюцца ад удзелу ў вайне ва Украіне. Іх імёны вывешваюць на "дошках ганьбы".

Сотні расейскіх салдат з 205-й асобнай мотастралковай казацкай брыгады адмовіліся ўдзельнічаць у вайне супраць Украіны.